پويىزداردىڭ سوقتىعىسۋىنان 12 ادام قازا تاپتى

داككا. قازاقپارات - بۇگىن تاڭەرتەڭ بانگلادەشتە پويىزداردىڭ بەتپە-بەت سوقتىعىسۋىنان كەم دەگەندە 12 ادام قازا تاۋىپ، 28 ءى جاراقات الدى، دەپ حابارلايدى قازاقپارات The Daily Star- عا سىلتەمە جاساپ.

وقيعا جەرگىلىكتى ۋاقىتپەن تاڭعى ساعات 3:00 شاماسىندا ەل استاناسى داككادان 109 شاقىرىم قاشىقتىقتا — موندوبحاگ تەمىرجول ستانساسىندا بولعان.

پويىزداردىڭ ءبىرى ستانتسيادا قوزعالىس باعىتىن وزگەرتكەن كەزدە بولعان اپاتتان كەم دەگەندە 12 جولاۋشى قازا تاپتى.

پويىزدىڭ ەكى ۆاگونى سوقتىعىس سالدارىنان قاتتى زاقىمدالعان.

قازىرگى ۋاقىتتا ۆاگونداردان سەگىز ءمايىت تابىلدى. قۇتقارۋ وپەراتسياسى جالعاسىپ جاتىر. قازا تاپقاندار سانى كوبەيۋى مۇمكىن، سەبەبى كوپتەگەن ادام مىجىلىپ قالعان ۆاگوننىڭ ىشىندە جاتىر. مەرت بولعانداردىڭ جەكە باسىن بىردەن انىقتاۋ مۇمكىن بولماعان.

اپاتتان كەيىن وسى ۋچاسكەدەگى تەمىرجول باعىتى توقتاتىلدى.