قازاقستاندا زاڭسىز اڭ اۋلاۋشىلار 12 جىلعا دەيىن سوتتالۋى مۇمكىن

نۇر-سۇلتان. قازاقپارات – ق ر ەكولوگيا، گەولوگيا جانە تابيعي رەسۋرستار ۆيتسە-ءمينيسترى ەرلان نىسانبايەۆ براكونەرلەرگە جازانىڭ قانشالىقتى كۇشەيگەنىن ايتىپ بەردى، دەپ حابارلايدى قازاقپارات ءتىلشىسى.

جاڭا وزگەرىستەر «ق ر كەيبىر زاڭنامالىق اكتىلەرىنە اگروونەركاسىپتىك كەشەندى رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىندا كورسەتىلگەن.

«بۇعان دەيىن قىلمىستىق كودەكستە جالپى نورما بولسا، ەندى ناقتىلانعان نورمالار پايدا بولدى. مۇندا مۇلىكتى تاركىلەۋ مۇمكىندىگى بولادى. جازانى كۇشەيتۋ بويىنشا شارالار كەشەنى ءوز ناتيجەسىن بەرەدى دەپ ويلايمىن. اڭشىلىق قۇرالى، قارۋ-جاراق، كولىك، بالتا، ريۋكزاك جانە وزگە دە زاتتار تاركىلەنەدى»، - دەدى ە. نىسانبايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سونىمەن بىرگە، ورمان، بالىق جانە جانۋارلار الەمىندەگى زاڭبۇزۋشىلىقتار ءۇشىن جازانى كۇشەيتۋ بويىنشا ق ر قىلمىستىق كودەسىنە تۇزەتۋلەر ەنگىزىلەدى. ودان بولەك، شەتەلدىكتەردى جاساعان قىلمىسى ءۇشىن 5 جىلعا ەل اۋماعىنان شىعارۋ قاراستىرىلعان.

«زاڭسىز اڭشىلىق ءۇشىن قىلمىستىق شەشىم بەلگىلەرى كەڭەيتىلدى جانە سانكتسيالار ۇلعايدى. ماسەلەن، بۇرىن وسى باپ بويىنشا براكونەرلەر اڭشىلىقتا جانۋارعا زارداپ كەلتىرەتىن جارىلعىش قۇرالدار، كەمە مەن قاردا جۇرەتىن ماشينا قولدانعاندا عانا جازالاناتىن ەدى. ەندى وندا اتۋ قۇرالى، پنيەۆماتيكالىق جانە سۋىق قارۋ، يتتەر مەن اڭشىلىق قۇستارى ەنگىزىلدى. براكونەرلەر جازاعا تارتىلاتىن ق ر ق ك 339-بابى جەتىلدىرىلدى. بۇرىن 5 جىلعا دەيىن باس بوستاندىعىنان ايىرۋ جازاسى بەرىلسە، ەندى بۇل جازا 12 جىلعا سوزىلادى. زاڭنامانى جەتىلدىرۋ جۇمىستارى ءالى دە ءجۇرىپ جاتىر»، - دەدى ە. نىسانبايەۆ.

اۆتور: ايجان سەرىكجان قىزى