12 دۇركىن الەم چەمپيونى اقتوبەدە باسقارما باسشىسى بولىپ تاعايىندالدى
ۇلتتىق ەكونوميكا مينيسترلىگى باسەكەلەستىكتى قورعاۋ جانە دامىتۋ كوميتەتى ءتوراعاسىنىڭ بۇيرىعىمەن ساعىندىق ەرعاليەۆ وبلىستىق دەپارتامەنتكە باسشى بولىپ تاعايىندالدى.
ساعىندىق ەرعاليەۆ 1976 -جىلى تۋعان، ءبىلىمى جوعارى. 1999 -جىلى باتىس قازاقستان وبلىسىنىڭ اۋىل شارۋاشىلىعى ۋنيۆەرسيتەتىن ەكونوميست-مەنەدجەر ماماندىعى بويىنشا ءتامامداعان. ەڭبەك جولىن 2001 -جىلى باتىس قازاقستان وبلىسىندا قارجى ءبولىمىنىڭ باس ەكونوميسى بولىپ باستاعان.
ءارتۇرلى جىلدار «ق ر باسەكەلەستىكتى قورعاۋ اگەنتتىگىنىڭ اقتوبە جانە باتىس قازاقستان وبلىستارى بويىنشا ءوڭىرارالىق ينسپەكتسياسى» م م ب ق و اۋماقتىق ءبولىمىنىڭ باستىعى، «ق ر ۇلتتىق ەكونوميكا مينيسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ اقتوبە وبلىسى بويىنشا دەپارتامەنتى» ر م م باسشىسىنىڭ ورىنباسارى قىزمەتتەرىن اتقاردى.
اقتوبە وبلىسى اكىمىنىڭ وكىمىمەن وبلىستىق دەنە شىنىقتىرۋ جانە سپورت باسقارماسىنىڭ باسشىسى لاۋازىمىنا ەۆگەني گونچاروۆ تاعايىندالدى. 38 جاستاعى ەۆگەني گونچاروۆ 2004 -جىلى ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىن «دەنە شىنىقتىرۋ، سپورت جاتتىقتىرۋشىسى»، 2016 -جىلى ورىنبور مەملەكەتتىك ۋنيۆەرسيتەتىن «مەملەكەتتىك جانە مۋنيتسيپالدى باسقارۋ» ماماندىقتارى بويىنشا بىتىرگەن.
ەڭبەك جولىن وبجسم ۆەلوسپورت جاتتىقتىرۋشىسى بولىپ باستاعان. 2015 -جىلدان اقتوبە قالالىق دەنە تاربيەسى جانە سپورت ءبولىمىنىڭ باسشىسى بولىپ قىزمەت اتقاردى. ول گىر كوتەرۋدەن 12 دۇركىن الەم چەمپيونى، 27 دۇركىن قازاقستان چەمپيونى بولدى. 2018 -جىلى ازيا چەمپيونى اتاعىن جەڭىپ الدى. ازيا مەن قازاقستاننىڭ ابسوليۋتتى رەكوردىن ورناتقان سپورتشى.
اۆتور: التىناي ساعىندىقوۆا