قازاقستانداعى ەڭ تومەنگى كۇنكورىس دەڭگەيى جىل باسىنان بەرى 12 پايىز وسكەن

نۇر-سۇلتان. قازاقپارات - قازاقستاندا 2019-جىلعى ماۋسىم ايىندا ورتاشا كۇنكورىس مينيمۋمىنىڭ شاماسى جان باسىنا شاققاندا - 29 مىڭ 618 تەڭگە بولدى.

بۇل وتكەن ايدىڭ كورسەتكىشىمەن (ماۋسىمدا - 29 مىڭ 872 تەڭگە) سالىستىرعاندا %0,9 كەم، دەپ حابارلايدى قازاقپارات ستاتيستيكا كوميتەتىنە سىلتەمە جاساپ.

نەگىزگى ازىق-تۇلىكتى تۇتىنۋدىڭ ەڭ تومەنگى نورماسىمەن ەسەپتەگەندە كۇنكورىس مينيمۋمىنىڭ شاماسى جان باسىنا شاققاندا 2018-جىلعى جەلتوقسانمەن سالىستىرعاندا بيىلعى جىلدىڭ شىلدە ايىندا %12 وسكەن. ال وتكەن جىلدىڭ ءدال وسى ايىمەن سالىستىرعاندا - %9,2 كوپ.

كۇنكورىس مينيمۋمى قۇرىلىمىندا شىعىندار ۇلەسى ەت جانە بالىق ونىمدەرىن ساتىپ الۋعا - %19,9 ءسۇت، ماي ونىمدەرىنە جانە جۇمىرتقاعا - %14,8، جەمىس-كوكونىس ونىمدەرىنە - %10,9، نان جانە جارما ونىمدەرىنە - %7,4، قانت، شاي جانە دامدەۋىشتەرگە - %2 قۇرادى.