ءبىر تاۋلىكتە قولدان بيلەت ساتىپ جۇرگەن 12 ادام ۇستالدى
وسى جىلدىڭ 29-31 -شىلدەسى ارالىعىندا كولىكتەگى پوليتسيا دەپارتامەنتى «تازا ۆوكزال» كەڭ اۋقىمدى اكسياسىن وتكىزىپ جاتىر.
كولىكتەگى پوليتسيا دەپارتامەنتى اكىمشىلىك پوليتسيا باسقارماسىنىڭ باستىعى پوليتسيا پودپولكوۆنيگى جاسۇلان بايكەنوۆتىڭ ايۋتىنشا، شارانىڭ ماقساتى - «قوعامدىق ورىنداردا جارماسۋ» فاكتىلەرىن، اتاپ ايتقاندا جولاۋشىلار پويىزىندا بيلەتتەردى الىپ-ساتۋمەن اينالىساتىن تۇلعالاردى، زاڭسىز تاسىمالداۋشىلاردى (تاكسي جۇرگىزۋشىلەرى)، زاڭسىز جۇك كوتەرۋ قىزمەتىن كورسەتۋشىلەردى، ساۋدا جاساۋشىلاردى (ءوز تاۋارىن تىقپالايتىن)، قايىرشىلىقپەن اينالىساتىن شەتەل ازاماتتارىن انىقتاۋ.
«جىل باسىنان بەرى ەلىمىزدەگى اۋە جانە تەمىرجول نىساندارىندا «قوعامدىق ورىنداردا جارماسۋ» بويىنشا 1508 فاكتى تىركەلدى. ونىڭ ىشىندە 32 فاكتى - جولاۋشىلار پويىزىنا جول ءجۇرۋ بيلەتىن الىپ-ساتۋ، 223 فاكتى - زاڭسىز تاسىمالداۋشىلارعا (تاكسي جۇرگىزۋشىلەرى)، 693 فاكتى زاڭسىز جۇك كوتەرۋ قىزمەتىن كورسەتۋشىلەرگە، 560 فاكتى ساۋدامەن اينالىساتىن تۇلعالارعا تيەسىلى»، - دەدى جاسۇلان بايكەنوۆ.
اۆتور: ەلجان ەرالى