+7 (701) 759 90 19
-26 °С : نۇر-سۇلتان
-1 °С : الماتى
USD 387.16 EUR 428.47
RUB 6.08 CNY 55.13
جاڭالىقتار

الەمنىڭ 12 بەدەلدى ۋنيۆەرسيتەتىنەن شاقىرتۋ العان قازاق قىزىنىڭ ارمانى نە؟

12 شىلدە 00:05
:ءبولىسۋ
الەمنىڭ 12 بەدەلدى ۋنيۆەرسيتەتىنەن شاقىرتۋ العان قازاق قىزىنىڭ ارمانى نە؟

نۇر-سۇلتان. قازاقپارات - ەلورداداعى فيزيكا-ماتەماتيكا باعىتىنداعى نازاربايەۆ زياتكەرلىك مەكتەبىن بيىل بىتىرگەن اسەل راباتوۆا الەمنىڭ ەڭ بەدەلدى 12 ۋنيۆەرسيتەتىنىڭ ءبىلىم گرانتىن ۇتىپ الدى.

ونىڭ ىشىندە «نازاربايەۆ» ۋنيۆەرسيتەتىنىڭ ءبىلىم گرانتى دا بار، دەپ حابارلايدى قازاقپارات ءتىلشىسى.

اسەل 8-سىنىپتان-اق مەكتەپ ومىرىندەگى بارلىق شارالارعا بەلسەنە ارالاستى. دوستارىمەن بىرگە مەكتەبىنىڭ لوگوتيپىن ءوزى ازىرلەگەن ءتۇرلى ديزاينداعى كيىم ۇلگىلەرىنە پايدالانىپ ساتۋ ارقىلى بيزنەستىڭ قىر-سىرىنا دا ۇيرەندى.


Әлемнің 12 беделді университетінен шақырту алÒ

قالالىق مەكتەپتەر اراسىنداعى ءتۇرلى سايىستاردان دا بەي-جاي قالعان ەمەس. ءتىپتى، اعىلشىن ءتىلىن جەتىك مەڭگەرگەندىگىنىڭ ارقاسىندا 2017-جىلى ەلوردامىزدا وتكەن «ەكسپو» حالىقارالىق مامانداندىرىلعان كورمەسىندە، باس قالامىزدا ۇيىمداستىرىلاتىن ءتۇرلى حالىقارالىق جيىندار مەن فورۋمدارعا ەرىكتى رەتىندە قاتىسىپ ىسىلدى.

اعىلشىن ءتىلىن ءبىلۋ دەڭگەيىن جەتىلدىرە ءتۇستى. ناتيجەسى دە جامان ەمەس، قازىردىڭ وزىندە امەريكا، كانادا، نيدەرلاندى ەلدەرىنىڭ بەدەلدى جوعارى وقۋ ورىندارى ءبىلىم گرانتتارىن ۇسىنىپ وتىر.


Әлемнің 12 беделді университетінен шақырту алÒ

«جالپى، «نازاربايەۆ» ۋنيۆەرسيتەتىن قوسا العاندا 12 جوعارى وقۋ ورنى تولىق جانە جارتىلاي ءبىلىم گرانتتارىن ۇسىندى.

الەمنىڭ باسقا دا بەدەلدى وقۋ ورىندارىنىڭ جاۋاپتارىن كۇتىپ وتىرمىن. ءبىراق، تاڭداۋىمدى جاساپ قويدىم دەسەم دە بولادى. تاڭداۋىم امەريكانىڭ سان-فرانتسيسكو قالاسىنداعى الەمدەگى ەڭ جاس ۋنيۆەرسيتەتتەردىڭ ءبىرى - Minerva Schools at KGI»، - دەدى اسەل قازاقپارات تىلشىسىنە بەرگەن سۇحباتىندا.

جاس تالاپكەردىڭ مۇحيتتىڭ ار جاعىنداعى الىپ ەلدەگى بۇل ۋنيۆەرسيتەتكە تاڭداۋىنىڭ ءتۇسۋىنىڭ بىرنەشە سەبەبى دە بار.

«بىرىنشىدەن، بۇل ۋنيۆەرسيتەت جاس بولعانىنا قاراماستان امەريكادا وتە تانىمال ءارى ءبىلىم بەرۋدىڭ جاڭا جۇيەسىن ەنگىزۋ ارقىلى زور بەدەلگە يە بولىپ تۇر. ەكىنشىدەن، بۇل وقۋ ورنى ماعان 100 پايىز ءبىلىم گرانتىنان بولەك امەريكادا جانە وزگە ەلدەردە ءجۇرىپ-تۇرۋىما، جاتىن ورنىما جۇمسالاتىن قاراجاتتى دا قاراستىرعان. بۇل ۋنيۆەرسيتەتتىڭ تالاپكەرلەردى وزىنە تارتىمدى جاسايتىن تاعى ءبىر تۇسى بار. اتاپ ايتار بولسام، 4 جىلدىڭ ىشىندە 7 مەملەكەتتە ءبىلىم الۋ مۇمكىندىگىن الامىز. ءبىرىنشى كۋرستى سان-فرانتسيسكودا وقىسام، ەكىنشى كۋرستان باستاپ ءار جارتىجىلدا سەۋل، گيدروباد، بۋەنوس-ايرەس، بەرلين، لوندون جانە تايپەيدە وقيمىن. ديپلومدى سان-فرانتسيسكودا قورعاۋعا مۇمكىندىك جاسالعان»، - دەدى اسەل راباتوۆا.


Әлемнің 12 беделді университетінен шақырту алÒ

بولاشاعىن بيزنەس پەن ەكونوميكا سالاسىمەن بايلانىستىراتىن اسەلدىڭ ارمانى دا بيىك. شەتەلدەن مول ءبىلىم مەن ۇلكەن تاجىريبە جيناپ كەلىپ، ەلىنىڭ يگىلىگىنە جۇمىس ىستەۋدى ارماندايدى.

«شەتەلدە ءبىلىم الىپ ەلگە ورالعاننان كەيىن الەۋمەتتىك بيزنەستى دامىتقىم كەلەدى. بۇعان قوسا ءوزىم سياقتى قازاق بالالارىنا الەمنىڭ جەتەكشى جوعارى وقۋ ورىندارىندا ءبىلىم الۋعا كومەك كورسەتەتىن قور اشۋ ارمانىم بار»، - دەدى ول.


باستى سوزدەر: قوعام, ءبىلىم جانە عىلىم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات