10:35, 26 - مامىر 2019 | GMT +6
قاراعاندىدا قاتتى جەلدەن باتۋت اۋدارىلىپ، 12 جاسار بالا كوز جۇمدى
قاراعاندى. قازاقپارات - قاراعاندىنىڭ ورتالىق ساياباعىندا قاتتى جەلدەن باتۋت اۋدارىلىپ، ءبىر بالا كوز جۇمدى، دەپ حابارلايدى قازاقپارات توتەنشە جاعدايلار كوميتەتىنىڭ باسپا ءسوز قىزمەتىنە سىلتەمە جاساپ.
«25 -مامىر كۇنى ساعات 17:30-دا قاراعاندىداعى ورتالىق مادەني جانە دەمالىس ساياباعىندا قاتتى جەلدەن ۇرلەمەلى باتۋت جاقىن ماڭدا ورنالاسقان دۇڭگىرشەكتىڭ ۇستىنە اۋدارىلىپ قالدى. سالدارىنان 2007 -جىلى تۋعان جەتكىنشەك قازا تاپتى. 2004 جانە 2012 -جىلى تۋعان ءۇش بالا ءتۇرلى جاراقاتپەن اۋرۋحاناعا جاتقىزىلدى» دەلىنگەن حابارلامادا.
كوشەگە، ساياباققا ۇرلەمەلى اتتراكتسيون ورناتۋ ءۇشىن رۇقساتتى اكىمدىك بەرەدى. ساۋدا جانە ويىن- ساۋىق ورتالىقتارى مەن ساۋدا ورتالىقتارىنىڭ اۋماعىندا مۇنداي اتتراكسيوندار ەكى شارۋاشىلىق سۋبەكتىنىڭ جالداۋ كەلىسىمشارتى نەگىزىندە ورناتىلادى.
توتەنشە جاعدايلار كوميتەتى قايعىلى جاعدايلاردىڭ الدىن الۋ ءۇشىن اتا-انالارعا قاتتى جەل كەزىندە بالالاردىڭ كوشەدەگى باتۋتتا ويناۋىن شەكتەۋ كەرەكتىگىن ەسكەرتەدى.