12:28, 26 - ءساۋىر 2019 | GMT +6
بىلتىر الەمدە 12 ميلليون گەكتار ورمان جويىلعان
نۇر- سۇلتان. قازاقپارات - بىلتىر الەم بويىنشا 12 ميلليون گەكتار ورمان جويىلدى. بۇل ءار مينۋت سايىن 30 فۋتبول الاڭىنىڭ جويىلىپ وتىرعانىمەن بىردەي، دەپ جازادى ВВС باسىلىمى.
«2016 جانە 2017 -جىلدارى دا ورمان سانى ازايعانىمەن، بۇل كورسەتكىش 2001 -جىلدان بەرگى كورسەتكىشتەر اراسىندا ءتورتىنشى ورىندا تۇر. Global Forest Watch بايانداماسىندا امازونكا، وڭتۇستىك امەريكا، باتىس جانە ورتالىق افريكا مەن يندونەزيا ورماندارىندا جاعداي قيىنداپ بارا جاتقانى ايتىلعان. بۇل وڭىردەگى اعاشتار جاھاندىق كليمات وزگەرىسىندە ماڭىزدى رول اتقارادى. باياندامادا ايتىلعانداي، سوڭعى ونجىلدىقتا بۇل جەرلەردە كوممەرتسيالىق جانە اۋىلشارۋاشىلىق ماقساتتا ميلليونداعان گەكتار ورمان وتالعان»، دەپ جازادى باسىلىم.
اۆتوردىڭ ايتۋىنشا، بۇل 2017 جانە 2016 -جىلدارداعى كورسەتكىشتەن دە تومەن.
«ول جىلدارى ورماننىڭ ازايۋىنا ءورتتىڭ كوپ بولۋى اسەر ەتكەن ەدى»، - دەيدى اۆتور.
اۆتور: ايكۇمىس بولاتبەك