قازاقستاندىق 12 جاستاعى قىز دجيۋ-دجيتسۋدان ەكى دۇركىن الەم چەمپيونى اتاندى

None
None
الماتى. قازاقپارات - 12 جاستاعى جىبەك قۇلىمبەتوۆا «Abu-Dhabi World Jiu-Jitsu Championship-2019» جارىسىندا برازيليالىق دجيۋ-دجيتسۋدان ەكى دۇركىن الەم چەمپيونى اتاندى، دەپ حابارلايدى قازاقپارات.

جىبەك 32 كەلىگە دەيىنگى سالماقتا ءسۇر بەلبەۋ يەگەرى بولاتىن. جالپى العاندا قازاقستاندىق بالۋان قىز يسپانيا، ب ا ءا سياقتى مەملەكەتتەردىڭ ەڭ مىقتى دەگەن 5 سپورتشىسىمەن بەلدەستى. ولاردىڭ بارلىعىندا تازا جەڭىسكە جەتتى. فينالدا ول بىررىكەن اراب امىرلىكتەرىنىڭ اتىنان ونەر كورسەتكەن قارسىلاسىن اۋىرتۋ ادىسىمەن جەڭدى.

«مەن ەكى دۇركىن الەم چەمپيونى اتاندىم. ماعان قولداۋ كورسەتكەن بارلىق ازاماتتارعا العىسىمدى بىلدىرەمىن. اسىرەسە، «Sagadat Batyr - QTT»  كلۋبىنىڭ باپكەرلەرىنە العىسىم شەكسىز. ولار ماعان وسىنداي مۇمكىندىك جاسادى. جەڭىسىمەن ارينە، قۋانىشتىمىن. العا، قازاقستان!»، - دەپ جازدى جىبەك ءوزىنىڭ ينستاگرام پاراقشاسىندا.

ايتا كەتەتىن ماسەلە، جىبەك قۇلىمبەتوۆا ءبىر جىل بۇرىن ابۋ-دابيدە وتكەن وسى چەمپيوناتتا «التىن» العان بولاتىن.

جاس سپورتشى دجيۋ-دجيتسۋمەن الماتى وبلىسىندا كەڭەس وداعىنىڭ باتىرى، گەنەرال-مايور ساعادات نۇرماعامبەتوۆ اتىنداعى Sagadat Batyr زالىندا ەكى جىلدان بەرى اينالىسىپ كەلەدى. باپكەرى نۇرسۇلتان ورىنباساروۆ. وسى ۋاقىت ارلىعىندا ول كوپتەگەن رەسپۋبليكالىق جانە حالىقارالىق جارىستاردى جەڭىپ ۇلگەردى.

سوڭعى جاڭالىقتار