+7 (701) 759 90 19 Лента
11 °С : استانا
16 °С : الماتى
USD 383.43 EUR 429.83
RUB 5.96 CNY 55.39
جاڭالىقتار

ەسىك قالاسىندا 12 عاسىر بۇرىنعى جەبەلى قىلشان تانىستىرىلدى

18 ءساۋىر 15:08 354
:ءبولىسۋ
ەسىك قالاسىندا 12 عاسىر بۇرىنعى جەبەلى قىلشان تانىستىرىلدى

نۇر- سۇلتان. قازاقپارات - الماتى وبلىسى ەسىك قالاسىنداعى «ەسىك» مەملەكەتتىك تاريحي- مادەني قورىق- مۋزەيىندە شامامەن IX- X عاسىرلارعا جاتاتىن قابىعى قايىڭ اعاشىنان جاسالعان جەبەلى قىلشان تانىستىرىلدى، دەپ حابارلايدى قازاقپارات ءتىلشىسى.

مادەنيەت جانە سپورت مينيسترلىگىنەن حابارلانعانداي، جەبەلى قىلشاننىڭ تانىستىرىلىمى حالىقارالىق ەسكەرتكىشتەر مەن تاريحي ورىنداردى قورعاۋ كۇنىنە ارنالعان مەرەكەلىك ءىس- شارا اياسىندا تانىستىرىلىپ وتىر. تاريحي جادىگەردى ەلىمىزگە بەلگىلى رەستاۆراتور قىرىم التىنبەكوۆ تانىستىردى.

 
ەسىك قالاسىندا 12 عاسىر بۇرىنعى جەبەلى قىلشان تانىستىرىلدى

«ەلباسىنىڭ «ۇلى دالانىڭ جەتى قىرى» ماقالاسىندا ايتىلعانداي، دالا وركەنيەتىنىڭ زور قۋاتى مەن ەستەتيكاسىن ايگىلەيتىن تاريحي جادىگەرلەردىڭ ماڭىزىن كەيىنگى ۇرپاققا اماناتتاۋ ماقساتىندا وسىنداي ۇلكەن ءىس- شارانى ۇيىمداستىرىپ وتىرمىز. بۇل قىلشان - «عىلىم ورداسى» رمك ارحەولوگيا مۋزەيىنىڭ (2010 -جىلعا دەيىن - ق ر عىلىم اكادەمياسىنىڭ ءا. ح. مارعۇلان اتىنداعى ارحەولوگيا ينستيتۋتىنىڭ ارحەولوگيا مۋزەيى) قورىنان تابىلعان. 2010 -جىلى «ەسىك» قورىق- مۋزەيىنە تاپسىرىلعان. تاپسىرۋ كەزىندە بۇيىم ۇساق بولشەكتەلگەن كۇيىندە بەرىلگەندىكتەن (105 دانا) ، التىن ادام قابىرىنەن تابىلعان جايپاق اعاش تاباق رەتىندە كورسەتىلىپ، قاتەلىكتەر ورىن العان. ال قورىق- مۋزەي قىزمەتكەرلەرى بۇل جيناقتا قايىڭ قابىعىنان جاسالعان ماتەريالداردىڭ جوق ەكەنىن انىقتاعان سوڭ 2015 -جىلى رەستاۆراتور قىرىم التىنبەكوۆكە كورسەتكەن بولاتىنبىز. رەستاۆراتور بۇل بۇيىمنىڭ قايىڭ قابىعىنان جاسالعان قىلشان ەكەنىن انىقتاپ، قايتا قالپىنا كەلتىردى» ، - دەيدى مەملەكەتتىك تاريحي- مادەني قورىق- مۋزەي ديرەكتورى تاسقىن تويبايەۆ.

 

ەسىك قالاسىندا 12 عاسىر بۇرىنعى جەبەلى قىلشان تانىستىرىلدى

ەسىك قالاسىندا 12 عاسىر بۇرىنعى جەبەلى قىلشان تانىستىرىلدى 

ءوز كەزەگىندە رەستاۆراتور قىرىم التىنبەكوۆ وسىنداي جادىگەرلەردى بارىنشا ساقتاۋعا كۇش سالىپ كەلە جاتقان مۋزەي قىزمەتكەرلەرىنە العىس ءبىلدىردى.

 «بۇل جادىگەر قولىمىزعا تيگەن كەزدە ەشكىمگە تۇسىنىكسىز بولەك- بولەك زاتتار بولاتىن. ونىڭ ىشىندە قايىڭ قابىعى، اعاش، قولا، تەرى، جىبەك ماتا بولدى. مۇنىڭ ءبارى - ماڭىزدى زاتتار. ءاربىر جادىگەر - اقپارات تاسۋشى. ءبىز سول تاريحي جادىگەردى زەرتتەي وتىرىپ، تاريحتى جازامىز. وسىنىڭ ءبارىن نەشە جىل بويى عىلىمي زەرتتەپ، قۇراستىرىپ شىققاندا، مىنەكەي، وسىنداي قيماق ۋاقىتىنداعى قىلشان شىقتى. بۇل - جەتىسۋ بويىندا كوپ كەزدەسە بەرمەيتىن جادىگەر» ، - دەيدى قىرىم التىنبەكوۆ.

 
ەسىك قالاسىندا 12 عاسىر بۇرىنعى جەبەلى قىلشان تانىستىرىلدى

 قىلشاننىڭ تۇساۋكەسەرىمەن قاتار مۋزەيدە «ۇلى دالانىڭ ۇلى مەرەكەسى - ناۋرىز» اتالىپ ءوتتى. مەرەكە اياسىندا تۋريزم جانە باق سالاسىنداعى ارىپتەستەرگە مۋزەي ىسىنە قوسقان ۇلەسى ءۇشىن ارنايى ماراپات تاپسىرىلدى. ءىس- شاراعا قر مادەنيەت جانە سپورت مينيسترلىگىنىڭ وكىلدەرى، مۋزەي باسشىلارى، ەلىمىزگە بەلگىلى ارحەولوگتار مەن عالىمدار قاتىستى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات