ەشقاشان جەڭىلمەۋگە 12 سەبەپ

 استانا. قازاقپارات - ارمانىڭىزدان باس تارتىپ، بارلىعىنا قول سىلتەپ كەتىپ قالعىڭىز كەلەتىن سەزىم باسىڭىزدان ءوتتى مە؟ ءسىز جالعىز ەمەسسىز.

ءبىراق بۇعان قانداي جاعداي بولماسىن بەرىلۋگە بولمايدى. العا قويعان ماقساتىمىزدان باس تارتۋ ءۇشىن ەشقانداي سەبەپ جوق. ال كەرىسىنشە وعان ۇمتىلا ءتۇسۋ ءۇشىن تومەندەگىدەي 12 سەبەپ بار.

1. ءسىز ءتىرى تۇرعاندا بارلىعى دا مۇمكىن. جەڭىلىسىمىزدى اقتاي الاتىن ءبىر عانا سەبەپ بار. ول -  ءولىم. ياعني ءومىر سۇرەتىن كەز كەلگەن ادام العا قادام باسۋى ءتيىس.

2. رەاليست بولىڭىز. ارينە، بارلىعى بىردەن بولۋى مۇمكىن ەمەس. ءتۇرلى قاتەلىك جىبەرەسىز. بار بولعانى سول قاتەلىكتەردەن ساباق الىپ ۇيرەنىڭىز.

3. ءسىز مىقتىسىز. ادام ءوزى ويلاعاننان دا الدەقايدا كۇشتى. سول سەكىلدى ءسىز دە مىقتىسىز. ءسىزدى تابىسقا جەتۋ جولىندا ەشكىم دە توقتاتا المايدى. ءتىپتى مىڭداعان جەڭىلىس تە.

4. ءوزىڭىزدى كورسەتىڭىز. بۇل ومىرگە ءوزىڭىزدىڭ قانداي شىڭداردى باعىندىرا بىلەتىنىڭىزدى كورسەتىڭىز. ەسىڭىزدە بولسىن، ءسىز بارىنەن باس تارتقان كەزدە عانا جەڭىلەسىز.

5. بۇل بۇرىن جاسالدى ما؟ ونى بۇرىن- سوڭدى بىرەۋ جاساعان بولسا، ءسىز دە جاساي الاسىز. ءتىپتى، ول سەكىلدى ادام بۇل ومىردە جالعىز بولسا دا. بۇل مۇمكىن!

6. ارماندارىڭىزعا سەنىڭىز. قانداي جاعداي بولماسىن وزىڭىزگە ساتقىندىق جاساماڭىز. تاعدىرىڭىزعا تەك ءوزىڭىز عانا باسشىلىق ەتە الاسىز. ءبىرىنشى بولىپ ءوزىڭىز سەنبەسەڭىز، ەشكىم دە مويىندامايدى.

7. ءسىزدىڭ وتباسىڭىز بەن دوستارىڭىز. جانىڭىز بەن جۇرەگىڭىزگە جاقىن ادامدارىڭىز سىزگە شابىت سىيلاسىن. ولار بار جەردە ەش ۋاقىتتا جەڭىلمەڭىز.

8. سىزدەن دە ناشار جاعدايداعى ادامدار بار. ەگەر تاڭەرتەڭگى جۇگىرۋدەن باس تارتقىڭىز كەلسە، سال بولىپ، ءجۇرۋدى ارمانداپ جاتقان ادامدار تۋرالى ويلاڭىز.

9. ءبىزدىڭ الەمدى جاقسارتىڭىز. تابىسقا جەتكەن ساتىڭىزدە تابيعات انانى قورعاۋدى، جاقىندارىڭىزعا قامقورلىق تانىتۋدى ۇمىتپاڭىز.

10. ءسىز باقىتتى بولۋعا لايىقسىز! ەگەر وسى سوزدەردى ءجيى ايتاتىن بولساڭىز، ەشكىم دە ءسىزدىڭ جولىڭىزدا كەدەرگى بولا المايدى.

11. وزگەلەرگە شابىت سىيلاڭىز. تابىستى ادامداردىڭ قاتارىنا قوسىلعان سوڭ، وزگەلەردىڭ دە ءدال وزىڭىزدەي بولۋىنا جاعداي جاساڭىز. ويتكەنى جەڭىسكە جەتەر جولدىڭ قانشالىقتى اۋىر ەكەنىن ءوزىڭىز دە بىلەسىز.

12. ءسىز جاقىنداپ قالدىڭىز. تاڭ اتارداعى ەڭ قاراڭعى ۋاقىت. ەگەر ارى قاراي جىلجۋعا كۇشىڭىزدىڭ جوق ەكەندىگىن سەزسەڭىز، تابىسقا ءبىر عانا قادام قالعاندىعىن ءبىلىڭىز.

جوعارىدا اتالعان 12 سەبەپ ومىرىڭىزدە قانداي قيىن جاعداي بولماسىن جىگەرلى بولۋعا سەپتىگىن تيگىزەدى. العا قويعان ماقساتىڭىزعا ۇمتىلا ءتۇسىڭىز. سەبەبى ءسىزدى قولدايتىن اتا-اناڭىز بەن جاقىن تۋىسقاندارىڭىز بار.