شىعىس قازاقستاندا قاسقىر اتقاندارعا 12 مىڭ تەڭگەدەن سىياقى بەرىلەدى
ش ق و تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ جانۋارلار الەمىن قورعاۋ ءبولىمى بەرگەن مالىمەتكە سۇيەنسەك، جىل سايىن ايماقتاعى جىرتقىش اڭداردىڭ سانىن رەتتەۋ بويىنشا شارالار جۇرگىزىلەدى. وسى شارالار اياسىندا بيىل 320 قاسقىر اتىپ الىنعان.
وبلىس بويىنشا جالپى قاسقىردىڭ سانى - 1038. بۇل - وتكەن جىلى تىركەلگەن كورسەتكىش. سوڭعى ءۇش جىلدا قاسقىردىڭ سانى تۇراقتى، 1200-دەن اسپاعان. ق ر ءبىلىم جانە عىلىمي مينيسترلىگىنە قاراستى زوولوگيا ينستيتۋتىنىڭ ۇسىنىسىنا سايكەس، قاسقىردىڭ جالپى پوپۋلياتسيادان 50 پايىزىن اتىپ الۋ قاجەت ەكەن.
قاسقىر اۋلاۋعا جىلدىڭ كەز كەلگەن مەزگىلىندە شىعۋعا بولادى. ولاردى اتىپ الۋدىڭ بىرنەشە ءادىس- تاسىلدەرى دە بار. ارنايى رۇقسات الۋدىڭ قاجەتى جوق.
قاسقىر اتۋ ناۋقانىندا جەرگىلىكتى بيۋدجەتتەن جىل سايىن سىياقى ءبولىنىپ وتىرادى: ەرەسەك قاسقىر ءۇشىن - 12000 تەڭگە، بولتىرىك ءۇشىن - 6000 تەڭگە مولشەرىندە.