قاپشاعايلىق قۇتقارۋشى ءبىر كۇندە 12 ادامدى اجالدان امان الىپ قالدى

None
None
تالدىقورعان. قازاقپارات - الماتى وبلىسى ت ج د جەدەل-قۇتقارۋ جاساعىنىڭ قاپشاعاي وڭىرلىك قۇتقارۋ بولىمشەسىنىڭ قىزمەتكەرى قانات قاليەۆ ءبىر كۇندە 12 ادامدى قۇتقارعان، دەپ حابارلايدى قازاقپارات.

قانات بۇل جۇيەدە 2017 -جىلدان بەرى جۇمىس ىستەيدى. ول ءوزىن جوعارى بىلىكتى جانە ساۋاتتى مامان، ۇيىمداستىرۋشىلىق قابىلەتى جوعارى قىزمەتكەر رەتىندە تانىتتى. اۆاريالىق، ىزدەستىرۋ- قۇتقارۋ، سۇڭگۋىرلىك- قۇتقارۋ جۇمىستارىن جۇرگىزگەندە ابجىلدىك پەن شىعارماشىلىق تاپقىرلىق كورسەتە بىلەدى.

بيىلعى 15 -شىلدەدە قانات قامالبەك ۇلى قاپشاعاي سۋ قويماسىنىڭ جاعالاۋىندا پاترۋلدە ءجۇرىپ، 12 ادامدى قۇتقاردى. ول كۇنى جاعادان سوققان جەلدىڭ ەكپىنى قاتتى ەدى. تولقىننىڭ بيىكتىگى 2 مەترگە جەتتى. ءبىراق قانات قاليەۆ اۋا رايىنىڭ كۇرت ناشارلاعانىنا قاراماستان سۋعا باتىپ بارا جاتقان ادامداردى بىرىنەن سوڭ ءبىرىن جاعاعا الىپ شىقتى.

«قانات قاليەۆ - تەوريا مەن تاجىريبەنى، الەۋمەتتىك پسيحولوگيانى مەڭگەرگەن ويى وزىق مامان. ىنتالى جانە ويى ۇشقىر قۇتقارۋشى. ءوز جۇمىسىنا ءادىل باعا بەرەدى، ءوزىن-ءوزى ۇنەمى جەتىلدىرىپ وتىرادى» دەلىنگەن الماتى وبلىستىق ت ج د تاراتقان حابارلامادا.

بۇگىنگى قۇتقارۋشىلار كۇنىنە وراي قانات قامالبەك ۇلى «سۋعا باتقانداردى قۇتقارعانى ءۇشىن» مەدالىمەن ماراپاتتالدى.

سوڭعى جاڭالىقتار