يندونەزيادا سۋ تاسقىنىندا 12 بالا كوز جۇمدى

استانا. قازاقپارات - يندونەزيا قۇتقارۋشىلارى جۇما كۇنى سولتۇستىك سۋماترادا سۋ تاسقىنى كەزىندە ءىز-ءتۇزسىز كەتكەن 17 باستاۋىش سىنىپ وقۋشىسىن تاۋىپ الدى، دەپ حابارلايدى قازاقپارات The Jakarta Post باسىلىمىنا سىلتەمە جاساپ.

باسىلىمنىڭ كەلتىرگەن مالىمەتىنە سايكەس، تابيعات اپاتى كەزىندە وسى مەكتەپتىڭ 12 وقۋشىسى قۇربان بولعان.

سونىمەن قاتار، وتكەن تۇندە جوعالىپ كەتكەن ەكى مەكتەپ مۇعالىمى دە ءدىن امان تابىلعان. قۇتقارىلعان جانداردىڭ ءبىرقاتارى جاراقات العان، الايدا ماماندار «ولاردىڭ ومىرلەرىنە قاۋىپ ءتونىپ تۇرعان جوق» دەپ ءمالىم ەتتى.

باسىلىمنىڭ جازۋىنشا، تابىلعان بالالاردىڭ جاستارى 12 دەن اسپايدى.

ەسكە سالا كەتسەك، بىرنەشە كۇنگە سوزىلعان تولاسسىز جاڭبىر سوڭى ماندايلينگناتال وكرۋگىندە سۋ تاسقىنىنا اينالىپ، لاي كوشكىنى جۇرگەن. تابيعات اپاتىنان جالپى 20 دان استام ادام مەرت بولعان.