نە بارى 12 جاسىندا ستۋدەنت اتانعان ۆۋندەركيند ابزال مىرزاش ا ق ش- قا كەتكىسى كەلەدى
بۇل تۋرالى Kazakh TV ارناسىنا سىلتەمە جاساپ Stan.kz اقپارات اگەنتتىگى حابارلايدى.
بۇگىندە قبتۋ- دا وقىپ جاتقان ابزال 1 جارىم جاسىندا سويلەپ، 2 جاسىندا ءارىپ تانىپ، 3 جاسىندا وقۋ- جازدۋدى ۇيرەنگەنىن ايتتى.
«كەيىن 5 جاسىمدا ءتۇرلى الەم، جاراتىلىس تۋرالى سۇراقتارىم كوبەيە باستاپ، اتا- انامنان سۇراي بەردىم. سوندا اكەم: «بىزدەن سۇراي بەرمەي، كىتاپتان وقىساڭ قايتەدى؟ ايتپەسە ءبىز ساعان دۇرىس تۇسىندىرە الماۋىمىز مۇمكىن» ، - دەدى. ءسويتىپ ماعان ءتۇرلى كىتاپتار مەن ەنتسيكلوپەديالاردى ساتىپ الىپ بەردى» ، - دەيدى ابزال.
دارىندى بالا 5 جاسىندا ورىس مەكتەبىنىڭ تابالدىرىعىنان اتتاعان. ول ەكى سىنىپتى ورىسشا وقىعانىمەن، ءارى قاراي وقۋىن قازاق سىنىبىندا جالعاستىرىپتى.
«مەن 4-سىنىپتا اتا- اناما وقۋدىڭ قىزىق ەمەس ەكەنىن ايتتىم. سوندا ولار مەنى 5-سىنىپقا كوشىرۋ تۋرالى ءوتىنىش جازدى. مەن سىناقتان ءوتىپ، 5-سىنىپقا كوشتىم دە، وقۋ جىلىنىڭ جارتىسىندا 6-سىنىپ باعدارلاماسىن وقي باستادىم. وسىلايشا، سىنىپتان- سىنىپقا كوشىپ، مەكتەپتى ەرتە ءبىتىردىم» ، - دەيدى مىرزاش.
ءيا، وسىلايشا، ابزال نەبارى 12 جاسىندا مەكتەپ ءبىتىرىپ، ەلىمىزدەگى بەدەلدى وقۋ ورىندارىنىڭ بىرىنە مەملەكەتتىك گرانت بويىنشا وقۋعا تۇسكەن. ابزالدىڭ سوزىنشە، وزىنەن ءبىرشاما جاس ۇلكەن ستۋدەنتتەرمەن ارالاسىپ كەتۋ قيىنعا سوعىپتى. الايدا 2-3 اپتادا تەز ءتىل تابىسىپ كەتتىم، دەيدى ول.
ال بۇگىندە IT سالاسىندا وقىپ جاتقان مىرزاش بالا كەزىندە دارىگەر بولعىسى كەلگەنىن جاسىرمادى. الايدا اكەسىنىڭ كەڭەسى تاڭداۋىن تۇبەگەيلى وزگەرتىپتى.
«العاشقىدا مەن اكەم سياقتى كارديوحيرۋرگ دارىگەر بولعىم كەلدى. الايدا اكەم ماعان: «اتا- اناڭنىڭ ماماندىعىنا ءبىزدىڭ كوڭىلىمىز ءۇشىن قىزىقپا، ءوزىڭ قالاعان جولدى تاڭدا» ، - دەدى. وسى سوزىنەن كەيىن دارىگەر بولامىن دەگەن ويىمدى وزگەرتتىم» ، - دەيدى ابزال.
ءوز سوزىندە ابزال مىرزاش اقپاراتتىق تەحنولوگيالار زامانىندا ەلى ءۇشىن كوپ ەڭبەك سىڭىرگىسى كەلەتىنىن جەتكىزدى. الايدا بۇگىندە بارلىعى اۆتوماتتاندىرىلىپ جاتقانىمەن، كەي سالادا روبوتتار ءوز مىندەتىن دۇرىس اتقارا الماۋى مۇمكىن ەكەنىن اتاپ ءوتتى.
« ХХІعاسىردى اقپاراتتىق تەحنولوگيالار زامانى دەپ بەكەر ايتپايدى. ولاردى جاستار دامىتۋى ءتيىس. اقپاراتتىق تەحنولوگيالاردىڭ ارقاسىندا ءبارى اۆتوماتتاندىرىلىپ، كوپتەگەن جۇمىس پەن قىزمەتتى روبوتتار اتقاراتىن زامان الىس ەمەس. دەگەنمەن ادامداردىڭ جۇمىس ىستەۋىنە ورىن قالادى دەپ ويلايمىن. روبوتتار دارىگەرلەردىڭ، مۇعالىمدەردىڭ جۇمىسىن دۇرىس جاساي الماۋى مۇمكىن. مۇنداي قىزمەتتەردى اتقاراتىن روبوتتاردى جاساۋ ءۇشىن وسى سالاداعى جاقسى مامان جانە اقپاراتتىق تەحنولوگيالاردى تانيتىن ادام قاجەت» ، - دەيدى ول.
ابزال مىرزاش ءوزىن ۇلكەن عالىمدارمەن سالىستىرمايدى. الايدا بولاشاقتا ءوز سالاسىندا ۇلكەن جاڭالىق اشسام دەگەن ارمانى بارىن جاسىرمادى.
بۇگىندە ق ب ت ۋ- دا 2-3 -جىلدى بىتىرسەم دەپ جوسپارلاپ وتىرعان ابزال ءبىلىمىن ماسساچۋسەتس تەحنولوگيا ينستيتۋتىندا جالعاستىرعىسى كەلەدى. ول اتالعان تانىمال وقۋ ورنىنىڭ «اقپاراتتىق جۇيەلەر جانە نانوتەحنولوگيا» فاكۋلتەتىندە وقۋدى جوسپارلاپ وتىر.