ەير استانا اۋە كومپانياسىندا 12 رەيس توقتاتىلدى
بۇل تۋرالى اۋە كومپانياسىنىڭ رەسمي پاراقشاسىندا ءمالىم بولدى، دەپ حابارلايدى قازاقپارات ءتىلشىسى.
«وندىرىستىك قاجەتتىلىكتەرگە بايلانىستى الماتى جانە استانا اۋەجايلارىندا ءبىرقاتار رەيس توقتاتىلۋى نەمەسە كەشىكتىرىلۋى مۇمكىن»، - دەلىنگەن جازبادا.
استانا اۋەجايى باسپا سوزىنەن باس قالاداعى جاعدايدىڭ قالىپتى ەكەنىن، شتاتتىق رەجىمدە جۇمىس ىستەپ جاتقاندارىن ايتتى. ماسەلە اۋە تاسىمالداۋشىلاردا تۋىنداعان بولۋى مۇمكىن.
«بۇگىن، 23 -شىلدە كۇنى تەحنيكالىق سەبەپتەرگە بايلانىستى الماتى - استانا - الماتى باعىتىنداعى 3 رەيس توقتاتىلدى. الماتى اۋەجايىندا بەيجىڭ، دۋباي، اقتوبە، استانا، شىمكەنت جانە كەرى باعىتىنداعى رەيستەر كەشىكتىرىلەدى. استانا اۋەجايىندا ورال، وسكەمەن، ومبى جانە سانكت- پەتەربۋرگ باعىتىنداعى رەيستەر ۋاقىتىنان كەش ۇشادى. ەرتەڭ استانادان قوستاناي مەن شىمكەنتكە باعىت الاتىن رەيستىڭ كەشىكتىرىلۋى مۇمكىن. اۋە كومپانياسى تۋىنداعان قولايسىزدىقتار ءۇشىن كەشىرىم سۇرايدى»، - دەدى باسپا ءسوز قىزمەتىنەن.
كومپانيادان ءمالىم ەتكەندەي، رەيستەردىڭ توقتاتىلۋى اۋە كەمەلەرى قىزمەتىندەگى قاتەلىكتەرمەن بايلانىستى. قازىرگى تاڭدا كەمشىلىكتەرمەن جۇمىس جۇرگىزىلىپ جاتىر.
توقتاتاتىلعان نەمەسە باسقا ۋاقىتتا اۋىستىرىلعان رەيستەردىڭ ءتىزىمىن كومپانيانىڭ رەسمي پاراقشاسىنان كورەۋگە بولادى.