10:51, 15 - قاراشا 2017 | GMT +6
تۋريست فيلم ءۇشىن دايىندالعان 12 مەترلىك اعاش اتتان قۇلاپ، قايتىس بولدى
استانا. قازاقپارات - تۇركيانىڭ چاناكاللە قالاسىندا تۋريست فيلم ءۇشىن دايىندالعان 12 مەترلىك اعاش اتتان قۇلاپ، قايتىس بولدى.
قايعىلى وقيعا تۋرالى RusTurkey.com پورتالى حابارلادى.
55 جاستاعى مەستان گيۋنەي قورشاۋدان ءوتىپ، 12 مەترلىك ەسكەرتكىشتىڭ ەڭ جوعارى جاعىنا كوتەرىلگەن. الايدا، ول تومەن تۇسپەك بولعان كەزدە قۇلاپ كەتىپ، بەتوننىڭ ۇستىنە باسىمەن تۇسكەن.
دارىگەرلەر ونىڭ ءومىرىن قۇتقارىپ قالا المادى، ەر ادام اۋرۋحانادا كوز جۇمدى. تروياندىق ات ەسكەرتكىشى بۇل قالادا گومەردىڭ «يلليادا» پوەماسى بويىنشا گولليۆۋدتىق «ترويا» بلوكباستەرىنىڭ ءتۇسىرىلىمى ءۇشىن ورناتىلعان. ول ءدال وسى قالادا تۇر، سەبەبى ترويانى چاناكاللادان شىققاندار تۇرعىزعان.