سىزگە قاجەت 12 پسيحولوگيالىق ادىستەر

None
None
نۇر-سۇلتان. قازاقپارات - بۇگىن سىزدەرگە پسيحولوگيالىق ادىستەردى تانىستىرماقشىمىن. بۇلاردى نەگىزى لايفحاكتار دەيدى.

لايف حاك (life hack) دەگەنىمىز - ءومىردى جاقسى باعىتقا بۇرۋ ءۇشىن ادەتتەگى ىستەر تىزبەگىن بۇزۋعا قولدانىلاتىن ادىستەردى اتايدى.

بۇل لايف حاكتار سىزدەرگە اينالاڭىزداعى ادامداردى تانۋعا، ءتىپتى ءوزىڭىزدى بىلۋگە كومەگى ءتيىپ تە قالار.

1. ەگەر بىرنەشە ادام ءبىر ۋاقىتتا كۇلسە، قاراما-قارسى وتىرعان ءاربىر ادام ءبىرىنشى وزىنە جاقىن، وزىنە ۇناعان ادامعا قارايدى ەكەن.

2. ەگەر اڭگىمەلەسۋ كەزىندە ارىپتەسىڭىز سىزگە قاراي قولىن كوتەرىپ، الاقانىن كورسەتسە، وندا ول سىزگە سەنىمدىلىگىن ءبىلدىرىپ جاتىر دەگەن ءسوز.

3. ەگەر ءسىز باسىڭىزدى شايقاپ تۇرىپ سۇراق قويساڭىز، ارىپتەسىڭىز سىزگە نازارىن اۋدارا باستايدى.

4. ءسىز وتىرىك ايتىپ جاتقاندا، اڭگىمەڭىزدىڭ اراسىنا كىشكەنە ۇيالتاتىن اقپارات قوسىڭىز. بۇل ءسىزدىڭ وتىرىگىڭىزدى شىندىققا جاناستىرادى.

5. ەگەر ءسىز ارىپتەسىڭىزگە سۇراق قويساڭىز، ال ول از جاۋاپ قايتارسا، ءجاي عانا وعان ءۇنسىز قاراپ تۇرىڭىز. ومىرلىك قاعيدا بويىنشا، ول سىزگە قوسىمشا جاۋاپ قاتۋى ءتيىس.

6. بارىڭىزگە زەيگارنيك اسەرى تانىس شىعار. ول دەگەنىمىز - ادامدار كوبىنەسە بىتكەن شارۋادان گورى، بىتپەي، ورتاسىنان تاستاپ كەتكەن شارۋالار باستارىنان (ەستەرىنەن) كەتىرە المايتىن اسەردى ايتادى.

ەگەر ءسىزدىڭ ويىڭىزعا ءبىر ءان كەتپەي قويسا، ءجاي عانا ونىڭ سوڭعى شۋماقتارىن ويشا ويناتىپ، اندەتسەڭىز، تەز ارادا كەتىپ قالۋى ءتيىس.

7. ەگەر ءسىز ءبىر ادامنان جاردەم سۇراعىڭىز كەلسە، وندا وسى ادامعا جاۋاپتى جاردەم بەرۋگە دايىن بولىڭىز.

8. ساعىز سىزگە كۇيزەلىستى جەڭۋگە كومەك بەرەدى. ونى ەمتيحان تاپسىراتىن كەزدە نەمەسە باسقا دا كۇيزەلىستى جاعدايدا شايناڭىز.

9. اڭگىمەلەسۋ كەزىندە ارىپتەسىڭنىڭ اياعىنا قارا. ەگەر اياقتىڭ ۇشتارى ءسىز جاققا قاراپ تۇرسا، وندا ول سىزگە جانە اڭگىمەڭىزگە قىزىعۋشىلىق تانىتقانى. ەگەر كەرىسىنشە بولسا، اڭگىمەڭىزدەن جالىعىپ، سىزدەن تەزىرەك قۇتىلۋدى ويلاپ وتىرعانى.

10. ەگەر ءسىز اداممەن تانىسقاننان كەيىن، ونىڭ اتىن ۇمىتىپ قالامىن دەپ ويلاساڭىز، وندا ءار سويلەگەن سايىن، ونىڭ اتىن اتاڭىز. مىسالى، «سالەم، (ەسىمى)!»، «قالىڭ قالاي، (ەسىمى) ؟»، «نەمەن شۇعىلدانۋداسىڭ، (ەسىمى)؟». بۇل سىزگە تانىسقان ادامنىڭ اتىن جاتتاپ الۋعا كومەكتەسەتىن بولادى.

11. ەگەر ءسىز كەز كەلگەن اداممەن كەزدەسۋ بارىسىندا، ونىمەن كەزدەسكەنىڭىزگە قۋانىشتى ەكەنىڭىزدى بىلدىرتسەڭىز، وندا كەز كەلگەن ادام سىزبەن كەزدەسكەنىنە قۋاناتىن بولادى.

12. اڭگىمەلەسۋ بارىسىندا ءارقاشان كۇلىمسىرەپ تۇرىڭىز ءارى كوزىڭىزدى ارىپتەسىڭىزدەن الماڭىز - بۇل ونى ءسىزدىڭ سەنىمىڭىزگە بىردەن كىرگىزۋگە كومەك قىلادى.

بۇلاردىڭ ءبارىن بىردەي قولدانىپ كورگەم جوق. ءبىراق كومەكتەسەتىنى راس.

blogtime.kz


سوڭعى جاڭالىقتار