يندونەزيادا تارتىپسىزدىك كەزىندە 129 ادام مەرت بولدى

None
استانا. قازاقپارات - يندونەزيادا فۋتبول ماتچىندا بولعان قاقتىعىس سالدارىنان كەم دەگەندە 174 ادام قازا تاپتى. تاعى 11 ادام اۋىر جاراقات الدى. ستاديوندا زارداپ شەككەندەردىڭ قالعان بولىگى اۋرۋحانادا جاتىر، دەپ حابارلايدى قازاقپارات.

قۇربان بولعاندار سانى ارتۋى مۇمكىن. قازا تاپقاندار تۋرالى مالىمەتتەردى جينايتىن شىعىس ياۆا تابيعي اپاتتار سالدارىن جويۋ اگەنتتىگى سوڭعى ەكى ساعاتتا قۇربان بولعاندار سانىنىڭ ارتقانىن حابارلاپ، ساعات سايىن كورسەتكىشتى جاڭارتىپ وتىر.

بۇعان دەيىن حابارلانعانداي، يندونەزيا ستاديونىنداعى تارتىپسىزدىك كەزىندە 127 ادام مەرت بولدى.

قايعىلى جاعداي مالانگ قالاسىنداعى ستاديوندا جەرگىلىكتى «ارەما» كلۋبى مەن شىعىس ياۆا پروۆينتسياسىنىڭ اكىمشىلىك ورتالىعى سۋرابايداعى «پەرسەبايا» كومانداسى اراسىنداعى ويىن كەزىندە بولدى.

ماتچ 3-2 ەسەبىمەن قوناقتاردىڭ جەڭىسىمەن اياقتالدى. سوڭعى ىسقىرىقتان كەيىن «ارەمانىڭ» مىڭداعان جانكۇيەرى الاڭعا جۇگىرىپ شىققان، سودان قاقتىعىستار باستالعان.

پوليتسيا كوزدەن جاس اعىزاتىن گاز قولدانعان. دارىگەرلەردىڭ ايتۋىنشا، ءولىم جاعدايلارىنىڭ كوبىنە تۇنشىعۋ سەبەپ بولعان.

ستاديوننىڭ سىرتىندا دا تارتىپسىزدىك جالعاسىپ، بىرنەشە پوليتسيا كولىگىن ورتەپ جىبەرگەن. ەكى پوليتسيا قىزمەتكەرى دە قازا تاپتى.

بيلىك تەرگەۋدى باستادى. يندونەزيا فۋتبول فەدەراتسياسى «ارەماعا» ماۋسىمنىڭ سوڭىنا دەيىن ماتچ وتكىزۋگە تىيىم سالدى جانە الداعى بارلىق ويىندى ءبىر اپتاعا كەيىنگە شەگەردى.

فوتو: dw.com

سوڭعى جاڭالىقتار