ەلباسى تاپسىرماسى: مۇعالىمدەردىڭ جالاقىسىن كوتەرۋگە 129 ميلليارد تەڭگە بولىنەدى
بۇل تۋرالى «NurOtanTrends» پىكىرتالاس كلۋبىنىڭ وتىرىسىندا «ەلباسى جولداۋى: قوعامدى ورتاق ماقساتتارعا قالاي جۇمىلدىرامىز؟» تاقىرىبىن تالقىلاۋ كەزىندە ءبىلىم جانە عىلىم ۆيتسە- ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقپارات.
«ەڭبەكاقى تاقىرىبىنا توقتالساق، مەملەكەت باسشىسى جولداۋىندا ۇكىمەت پەن مينيسترلىكتىڭ الدىندا ەڭبەكاقىنى ءوسىرۋ ماقساتى قويىلدى. ءبىز بۇل رەتتە بيىل 50 ميلليارد تەڭگە بولدىك. جاڭارتىلعان مازمۇنمەن ءارى باعدارلامامەن ءبىلىم بەرەتىن پەداگوگتار ەڭبەكاقىدان 30 پايىز كولەمىندە ۇستەمەاقى الدى. ەكىنشىدەن، اتتەستاتسيانىڭ جاڭا جۇيەسىنەن وتكەندەر، ياعني ءوز ءىسىنىڭ مامانى ەكەنىن دالەلدەگەندەر ەڭبەكاقىدان 30-دان 50 پايىزعا دەيىن قوسىمشا الۋ مۇمكىندىگىنە يە بولدى. وسى باعىتقا 50 ملرد تەڭگە ءبولىندى»، - دەدى ۆيتسە-مينيستر.
ا. ايماعامبەتوۆتىڭ سوزىنشە، 2019 -جىلدىڭ بيۋدجەتىندە وسى ماقساتقا 129 ميلليارد تەڭگە قاراستىرىلعان. ال 2020 -جىلدىڭ بيۋدجەتىندە 150 ميلليارد تەڭگەگە جۋىق قارجى ەسكەرىلگەن.
بۇدان بولەك ول پەداگوگتاردى قىزمەتىنە ءتان ەمەس جۇمىستارعا تارتۋ پروبلەماسى توڭىرەگىندە ءسوز قوزعادى.
«ەگەر دە پەداگوگتاردى قىزمەتىنە ءتان ەمەس جۇمىستارعا تارتۋ ماسەلەسىنە توقتالساق، شىن مانىندە بۇل جاعداي پروبلەما بولىپ تۇر جانە ونى جاسىرۋ دۇرىس ەمەس»، - دەدى اسحات ايماعامبەتوۆ.
ەستەرىڭىزگە سالا كەتەيىك، 2018 -جىلعى 5 -قازانداعى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ قازاقستان حالقىنا جولداۋىن جاريالادى.