الماتىدا تارتىپسىزدىكتەر كەزىندە كەلتىرىلگەن زالال سوماسى 128 ميلليارد تەڭگەدەن استى

None
None
الماتى. قازاقپارات - الماتىدا تارتىپسىزدىكتەر كەزىندە كەلتىرىلگەن زالال سوماسى 128 ميلليارد تەڭگەدەن استى، دەپ حابارلايدى قازاقپارات ءتىلشىسى.

الماتى اكىمدىگىنىڭ مالىمەتىنشە، 2022-جىلعى 14- قاڭتارداعى جاعداي بويىنشا جالپى كەلتىرىلگەن زالال سوماسى 128 ميلليارد تەڭگەدەن اسادى. ونىڭ ىشىندە بيزنەستىڭ شىعىندارى 86 ميلليارد تەڭگە، اكىمشىلىك عيماراتتاردىڭ شىعىنى 22,6 ميلليارد تەڭگەگە جەتتى.

سونىمەن قاتار، 223 بىرلىك تەحنيكا مولشەرىندەگى جىلجىمالى مۇلىك شىعىندارى 1,9 ميلليارد تەڭگە سوماسىندا باعالانادى (جەكە اۆتوموبيلدەر بويىنشا باعالاۋ جۇرگىزىلەدى)، «Almaty Bike « ۆەلوپروكاتتار ستانتسياسىنىڭ شىعىندارى 376,5 ميلليون تەڭگە. ماتەريالدىق-تەحنيكالىق بازانىڭ شىعىندارى 16,7 ميلليارد تەڭگە. زارداپ شەككەن قىزمەتكەرلەرگە تولەنەتىن وتەماقى تولەمى 490 ميلليون تەڭگە بولدى.

ۇكىمەت كوميسسياسى شاعىن جانە ورتا بيزنەسكە كەلتىرىلگەن زالالدى وتەۋ مەحانيزمىن ازىرلەۋدە، ول بۇگىندە ورتالىق مەملەكەتتىك ورگاندارمەن كەلىسۋ كەزەڭىندە تۇر جانە جاقىن ارادا جاريالاناتىن بولادى.

بيزنەسكە كەلتىرىلگەن زالالدى وتەۋ جونىندەگى الدىن الا جاسالعان مەحانيزمدەرمەن جانە تاسىلدەرمەن مىنا سىلتەمە بويىنشا تانىسۋعا بولادى.

سوڭعى جاڭالىقتار