12:44, 25 - اقپان 2020 | GMT +6
باتىس قازاقستاندا 128 ماس جۇرگىزۋشى 15 تاۋلىككە قامالىپ، كۋالىگىنەن ايىرىلدى
ورال. قازاقپارات - باتىس قازاقستان وبلىسىندا 11-قاڭتار-20-اقپان ارالىعىندا كولىكتى ماس كۇيىندە جۇرگىزگەن 128 جۇرگىزۋشى 15 تاۋلىككە قامالدى، دەپ حابارلايدى قازاقپارات ءتىلشىسى.
ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، 128 جۇرگىزۋشىنىڭ بارلىعى، سونداي-اق 7 جىلعا كولىك باسقارۋ قۇقىعىنان ايىرىلدى.
بيىلعى جىل باسىنان بەرى ق ر اكىمشىلىك قۇقىقبۇزۋشىلىق كودەكسىنىڭ 608-بابىنا سايكەس بارلىعى 172 جۇرگىزۋشى جاۋاپقا تارتىلدى. وتكەن جىلدىڭ سايكەس كەزەڭىندە 259 ادام وسى باپ بويىنشا زاڭ بۇزعان ەدى.
بيىلعى 11-قاڭتاردان باستاپ اتالمىش كودەكستىڭ ءبىرقاتار باپتارى، سونىڭ ىشىندە كولىككە ماس كۇيىندە وتىرعانى ءۇشىن بەرىلەتىن جازا قاتاڭداتىلعانى بەلگىلى.