الەمنىڭ 127 ەلى پلاستيكتەن جاسالعان ونىمدەردى پايدالانۋعا شەكتەۋ قويدى - ب ۇ ۇ
30 ەلدە پلاستماسسا پاكەتتەردى پايدالانۋعا تولەم ەنگىزىلدى، تاعى 27 ەلدە قورشاعان ورتاعا زياندى ماتەريالدارعا مۇلدە تىيىم سالىندى.
بۇل تۋرالى ب ۇ ۇ قورشاعان ورتانى قورعاۋ باعدارلاماسىنىڭ (ي ن ە پ) ەسەبىندە ايتىلدى، دەپ حابارلايدى قازاقپارات.
«2018 -جىل شيەلەنىسكەن جاعدايلارعا تولى بولدى، دەگەنمەن الەمدە بيزنەستى ەكولوگيالىق پروبلەمالاردى شەشەتىندەي ەتىپ جۇرگىزۋگە ۇمتىلىس بايقالادى»، - دەيدى ي ن ە پ باسشىسىنىڭ مىندەتىن اتقارۋشى دجويس مسۋيا.
مسۋيا حانىمنىڭ ايتۋىنشا، بۇل رەتتە ب ۇ ۇ- نىڭ ءرولى وراسان زور. كەلەلى كەلىسسوزدەردىڭ ارقاسىندا قول جەتكىزىلگەن ناتيجەلەر دە بارشىلىق. اتاپ ايتقاندا، ءۇندىستان 2022 -جىلعا قاراي پلاستماسسادان جاسالعان ونىمدەردەن تولىقتاي باس تارتۋدى ءوز مىندەتىنە الىپ وتىر.
جىل سايىن الەمدە 1,3 ميلليارد توننا ازىق-تۇلىك ونىمدەرى قوقىسقا شىعارىلادى. ي ن ە پ وتە قاراپايىم شارالاردىڭ كومەگىمەن، ماسەلەن، ازىق-تۇلىك ونىمدەرىن ساقتاۋ شارتتارىن وزگەرتۋ ارقىلى قوقىس كولەمىن قىسقارتۋدى ۇسىنىپ وتىر.
ي ن ە پ-تىڭ بايانداماسىندا، بۇدان تىس، عيماراتتاردى جىلىتۋ مەن سالقىنداتۋدىڭ ەكولوگيالىق ادىستەرى، جانۋارلاردىڭ جويىلىپ بارا جاتقان تۇرلەرىن جانە بيو ءارالۋاندىقتى ساقتاپ قالۋ شارالارى، وزون قاباتىن قورعاۋ، ت. ب. ماسەلەلەر ايتىلادى.
ەسكە سالا كەتەيىك، بۇعان دەيىن 2019 -جىلدىڭ باسىنان وڭتۇستىك كورەيا بيلىگى تابيعي رەسۋرستاردى ساقتاۋ جانە قوقىستى ازايتۋ ماقساتىندا سۋپەرماركەتتەردە پوليەتيلەن پاكەتتەردى پايدالانۋعا تىيىم سالعانىن حابارلاعان بولاتىنبىز.