21:34, 24 - اقپان 2021 | GMT +6
قازاقستاندا ءبىر جىلدا 126 جەكەمەنشىك مەكتەپ اشىلدى - مينيسترلىك
نۇر- سۇلتان. قازاقپارات - سوڭعى ەكى جىلدا ەلىمىزدە جەكەمەنشىك مەكتەپتەردىڭ قۇرىلىسى بەلسەندى ءجۇرىپ جاتىر.
بارلىق وقۋ ۇيىمدارى مەملەكەتتىك ءبىلىم بەرۋ تاپسىرىسىن الادى. بۇل تۋرالى ءبىلىم جانە عىلىم ۆيتسە- ءمينيسترى بيبىگۇل اسىلوۆا الەۋمەتتىك جەلىدەگى پاراقشاسىندا جازدى.
«2019-2020 -جىلدارى 40 مىڭنان استام وقۋشىعا ارنالعان 126 جەكەمەنشىك مەكتەپ اشىلدى. بۇعان مەنشىك نىسانىنا قاراماستان، جالپى ءبىلىم بەرەتىن مەكتەپتەردە جان باسىنا شاققانداعى قارجىلاندىرۋدى جانە مەملەكەتتىك قولداۋ قۇرالدارىن ەنگىزۋ ىقپال ەتتى. مەكتەپتەردىڭ قۇرىلىسى ەسەبىنەن وقۋشى ورىندارىنىڭ تاپشىلىعى، ءۇش اۋىسىمدى مەكتەپتەر ماسەلەسى شەشىمىن تابادى»، - دەپ اتاپ ءوتتى بيبىگۇل اسىلوۆا.
ۆيتسە- مينيستر اتاپ وتكەندەي، مەملەكەتتىك- جەكەشەلىك ارىپتەستىك شەڭبەرىندەگى ىنتىماقتاستىققا قاتىستى كونسۋلتاتسيانى باعدارلاما وپەراتورى - «قارجى ورتالىعى» ا ق بەرەدى.