جىبەك جولى ارناسىنان مۇحتار اۋەزوۆتىڭ 125 جىلدىعىنا ارنالعان فيلم كورسەتىلەدى
28 قىركۇيەك, 11:25

جىبەك جولى ارناسىنان مۇحتار اۋەزوۆتىڭ 125 جىلدىعىنا ارنالعان فيلم كورسەتىلەدى

استانا. قازاقپارات - بۇگىن قازاق ادەبيەتىنىڭ كلاسسيگى، ۇلى جازۋشى مۇحتار اۋەزوۆتىڭ تۋعانىنا 125 جىل تولىپ وتىر.

زاڭعار جازۋشىنىڭ مەرەيتويىنا ارنالعان فيلم وسى سەنبى، 1-قازاندا Jibek Joly تەلەارناسىنان «ناشا يستوريا» جوباسى اياسىندا كورسەتىلەدى، دەپ حابارلايدى قازاقپارات.

«ناشا يستوريا» جوباسى تاريحي تۇلعالارعا، تاريحتا وشپەس ءىز قالدىرعان قىزىقتى فاكتىلەرگە ارنالادى. ولاردىڭ كوبى ادەبيەتتىڭ، قوعامنىڭ، مۋزىكانىڭ، مادەنيەتتىڭ، تاريحتىڭ دامۋىنا ەرەكشە ۇلەس قوسقان تۇلعالار. بيىل كورەرمەن نازارىنا مەرەيتويى اتاپ وتىلەتىن تۇلعالار تۋرالى فيلمدەر ۇسىنامىز»، - دەيدى جوبا اۆتورى مايا بەكبايەۆا.


باعدارلامانىڭ ءبىرىنشى شىعارىلىمى ايگىلى قازاق جازۋشىسى، دراماتۋرگ جانە عالىم مۇحتار اۋەزوۆكە ارنالعان. بيىل جازۋشىنىڭ تۋعانىنا 125 جىل تولىپ وتىر.

مايا بەكبايەۆا فيلمنىڭ سەناريىن جازۋ بارىسىندا مۇراعات قۇجاتتارىمەن جۇمىس ىستەگەنىن ايتادى. ءتۇسىرىلىم ەكى قالادا ءوتىپ، ەكى اپتاعا سوزىلعان.

ءبىرىنشى ءبولىم جازۋشىنىڭ تۋعان ولكەسى سەمەي وڭىرىندە (اۋەزوۆ سەمەي ۋەزى شىڭعىستاۋ بولىسىندا دۇنيەگە كەلگەن) تۇسىرىلگەن.

ونىڭ ادەبي جانە ساياسي قىزمەتى وسى قالامەن تىعىز بايلانىستى.

فيلمنىڭ ەكىنشى ءبولىمى الماتىدا ءتۇسىرىلدى. باعدارلاما م. اۋەزوۆتىڭ مۇراجاي ءۇيى، عىلىم اكادەمياسى سياقتى ورىنداردى قامتىعان.

جوبانىڭ تۇسىرىلىمىنە اباي اتىنداعى مەملەكەتتىك قازاق مۋزىكالىق دراما تەاترىنىڭ اكتەرلەرى تارتىلدى.

«التى جىلدان استام ۋاقىت بويى وسى تاقىرىپپەن اينالىسىپ كەلەمىن. جۇزگە جۋىق فيلم ءتۇسىرىلدى. بۇل جولى ءبىز جازۋشىنىڭ ومىرىندەگى ەڭ جارقىن وقيعالاردى قالپىنا كەلتىرۋگە تىرىستىق. ءبىز وعان باسقا قىرىنان قاراۋعا تىرىسامىز» - دەيدى مايا بەكبايەۆا.

جاڭا فورماتتاعى «ناشا يستوريا» جوباسىن كورەرمەن قاۋىم Jibek Joly ارناسىنان تاماشالاي الادى.

مۇحتار اۋەزوۆتىڭ مەرەيتويىنا ارنالعان فيلم وسى سەنبىدە ەكرانعا شىعادى.


جاڭالىقتار