شىمكەنت اكىمى №125-مەكتەپتەگى داۋلى ماسەلەگە تۇسىنىكتەمە بەردى
«بۇل داۋدىڭ باستالعانىنا جەتى اي بولعانىن دۇرىس ايتىپ جاتىرسىز. سىزدەرگە بەرگەن ۋادەمىزدە تۇرىپ، ماماندار ءوز قۇزىرەتى اياسىندا ارنايى بارىپ تەكسەرگەن بولاتىن. نتايجەسىندە ول ديرەكتور ءوز ەركىمەن جۇمىستان كەتتى، ءبىراق ۋاقىت وتكەننەن كەيىن ءبىزدىڭ باسقارمانى سوتقا بەردى. سوت ول ازاماتتى زاڭسىز جۇمىستان بوساتتىڭىزدار دەگەن شەشىم شىعارىپ، قايتا جۇمىسقا جۇكتەدى. ءقازىر ءبىز سوتتىڭ تاپسىرماسىن ورىنداۋىمىز كەرەك. ءبىزدىڭ مەملەكەتتە ءار ادامنىڭ زاڭدى قۇقىعىن قورعاۋعا مۇمكىندىگى بار. سول ءۇشىن جۇمىستان شىققان ازامات ەشقانداي پارا الماعانىن دالەلدەۋ ءۇشىن سوتقا بارىپ، جەڭىپ شىقتى. ناقتى دالەل بولماعاندىقتان جەمقورلىقپەن كۇرەسەتىن دەپارتامەنت تە، ءبارى ءىستى وزدەرى توقتاتقان شىعار دەپ ويلايمىن»، - دەدى شاھار باسشىسى.
سونداي-اق، ول قالالىق ءبىلىم باسقارماسى ءىستىڭ اق-قاراسىن تولىق انىقتاۋ ءۇشىن سوتتىڭ شەشىمىنە اپەللياتسيالىق شاعىم تۇسىرگەنىن ءمالىم ەتتى.
«سوتتا ەكى جاق تا تۇردى. قازىرگى كەزدە مۇعالىمدەردىڭ بارىمەن ءبىز بايلانىستامىز. مەن ءبىلىم باسقارماسىنا №125-مەكتەپتى تىكەلەي باقىلاۋعا الۋ تۋرالى تاپسىرما بەرگەنمىن. قالالىق ءبىلىم باسقارماسى سوتتىڭ شەشىمىنە اپەللياتسيالىق ارىز بەردى. سونىڭ ناتيجەسىنە قاراي جۇمىس ىستەيمىز»، - دەدى اكىم.