ساكەن سەيفۋلليننىڭ 125 جىلدىعىنا ارنالعان رەسپۋبليكالىق ايتىس مارەگە جەتتى
ايتۋلى دوداعا بارلىعى 18 اقىن قاتىسىپ، باق سىنادى.
ءاسانالى ءاشىموۆ باستاعان قازىلار القاسىنىڭ شەشىمىمەن قاراعاندىلىق ماقسات احانوۆ پەن استانالىق جانداربەك بۇلعاقوۆ باس جۇلدەنى (2 ميلليون تەڭگەدەن) جەڭىپ الدى.
باتىسقازاقستاندىق باۋىرجان شيرمەدين ۇلى مەن استانالىق ءومىرجان كوپبوسىنوۆ ءبىرىنشى ورىنعا (1 ميلليون تەڭگەدەن) يە بولدى.
قىزىلوردالىق مۇحتار نيازوۆ باستاعان بىرنەشە اقىن ەكىنشى، سونداي-اق ءۇشىنشى جۇلدەلەردى ءبولىستى.
بۇدان بۇرىن دا رەسپۋبليكالىق دودالاردا جۇلدە الىپ جۇرگەن باۋىرجان شيرمەدين ۇلى «جايىق پرەسس» ج ش س- عا قاراستى سىرىم اۋداندىق «سىرىم ەلى» گازەتىنىڭ ديرەكتور-رەداكتورى قىزمەتىن اتقارادى.
«ايتىستىڭ دەڭگەيى جوعارى بولدى. العاشقى كۇنى قاراعاندىلىق تولەگەن جامانوۆپەن ءسوز سايىستىردىم. فينالدا جانداربەك بۇلعاقوۆپەن ساحناعا شىقتىم. ەكەۋىندە دە جوعارى بال الدىم» ، دەدى قازاقپارات تىلشىسىنە ب. شيرمەدين ۇلى.
ەسكە سالا كەتەيىك، بۇدان بۇرىن اتىراۋدا وتكەن الامان ايتىستا ورالدىق اقىننىڭ باس جۇلدەنى جەڭىپ العانىن جازعان بولاتىنبىز.