جەتى ەلدىڭ دەلەگاتسياسى ماعجان جۇمابايەۆتىڭ 125 جىلدىعىن مەرەكەلەۋ ءۇشىن سولتۇستىك قازاقستانعا كەلەدى
وڭىرلىك كوممۋنيكاتسيالار قىزمەتىنىڭ اقپاراتى بويىنشا، مەرەكەلىك مەدالدار مەن كىتاپتار دايىندالىپ جاتىر.
«تۇركيا، وزبەكستان، ازەربايجان، قىرعىزستان، ا ق ش، باشقۇرتستان مەن رەسەي فەدەراتسياسىنىڭ شەكارالىق وڭىرلەرىنەن دەلەگاتسيالار كەلەدى. قۇرمەتتى قوناقتاردى كۇتىپ وتىرمىز - جازۋشىلار وداعىنىڭ مۇشەلەرى، ماعجانتانۋشى عالىمدار، اقىننىڭ تۋىستارى، گالا- كونتسەرت قاتىسۋشىلارى - «ماعجان كوكتەمى» رەسپۋبليكالىق ونەر فەستيۆالىنىڭ جۇلدەگەرلەرى شاقىرتىلدى»، - دەدى تىلدەردى دامىتۋ باسقارماسىنىڭ باسشىسى كەمەل وسپانوۆ.
مەرەكەلىك تاقىرىپتار بويىنشا ءۇش كىتاپ - «قازاقتىڭ ماعجانى» ەكىتومدىعى، «ماعجان جۇمابايەۆ» ەنسيكلوپەدياسى جانە م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ (س ق م ۋ) «ءبىزدىڭ ماعجان» سۋرەتتى جيناعى باسپاعا دايىندالىپ جاتقانىن اتاپ ءوتتى.
«بۇل كىتاپتار م. قوزىبايەۆ اتىنداعى س ق م ۋ- دا حالىقارالىق كونفەرەنسيادا تانىستىرىلادى. «قازاقتىڭ ماعجانى» ەكى تومدىعى 500 دانا، ەنسيكلوپەديا - 1000 دانامەن شىعارىلادى. «قازپوشتا» ا ق- مەن مەرەكەلىك پوشتا ماركالارىن شىعارۋ ماسەلەسى شەشىلدى. مەرەكەلىك مەدالدار جاسالىنىپ جاتىر»، - دەپ اتاپ ءوتتى ك. وسپانوۆ.
ماعجان جۇمابايەۆ اۋدانى اكىمىنىڭ ورىنباسارى سالتانات ءارىپحاننىڭ اقپاراتى بويىنشا، نەگىزگى ءىس-شارالار وتەتىن سارىتومار اۋىلىنىڭ اۋماعىندا ەتنواۋىل ۇيىمداستىرىلادى.
23-25 -ماۋسىمدا ماعجان جۇمابايەۆ اۋدانىندا رەسپۋبليكالىق ماعجان وقۋلارى، ۇلتتىق سپورت تۇرلەرىنەن جارىستار وتەدى.
25 -ماۋسىمدا پەتروپاۆلدا №5 -س ق م ۋ عيماراتىنىڭ ماڭىندا ماعجان جۇمابايەۆ ەسكەرتكىشىنىڭ سالتاناتتى اشىلۋى بولادى. ۋنيۆەرسيتەت بازاسىندا وتاندىق جانە شەتەلدىك عالىمداردىڭ قاتىسۋىمەن «ماعجان جۇمابايەۆتىڭ مۇراسى جانە رۋحانيات» حالىقارالىق عىلىمي- پراكتيكالىق كونفەرەنسياسى جوسپارلانۋدا.
ءىس- شارانىڭ سوڭىندا «ماعجان كوكتەمى» V رەسپۋبليكالىق ونەر فەستيۆالى گالا-كونسەرتى ۇيىمداستىرىلماق.