+7 (701) 759 90 19
7 °С : نۇر-سۇلتان
8 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

ءىلياس جانسۇگىروۆتىڭ 125 جىلدىعىندا 25 توم كىتاپ جارىق كورمەك

26 ءساۋىر 08:08
:ءبولىسۋ
ءىلياس جانسۇگىروۆتىڭ 125 جىلدىعىندا 25 توم كىتاپ جارىق كورمەك

تالدىقورعان. قازاقپارات - بيىل قازاقتىڭ ءدۇلدۇل اقىنى، جىر قۇلاگەرى ءىلياس جانسۇگىروۆتىڭ تۋعانىنا - 125 جىل.

مەرەيتوي اياسىندا قالامگەردىڭ 25 تومدىق كىتابى باسىلىپ شىعادى، دەپ حابارلايدى قازاقپارات ءتىلشىسى.

اقىننىڭ 125 جىلدىعىن اتاپ ءوتۋدىڭ جوسپارى بەكىتىلىپ، مەرەيتوي اياسىندا كوپتەگەن شارالار بەلگىلەندى. تالدىقورعان قالاسىندا جانسۇگىروۆ تاعىلىمى اتتى رەسپۋبليكالىق عىلىمي-تاجىريبەلىك كونفەرەنسيا ءوتىپ، بىرنەشە كىتاپتىڭ تۇساۋى كەسىلدى. الداعى ۋاقىتتا اقىن ءومىرى مەن شىعارماشىلىعىنىڭ اقتاڭداق تۇستارى ايتىلىپ، بۇرىن-سوڭدى جارىققا شىقپاعان تۋىندىلارى وقىرمانعا جول تارتپاق.

فيلولوگيا عىلىمدارىنىڭ دوكتورى، پروفەسسور، ءىلياستانۋشى مۇراتبەك يمانعازينوۆتىڭ ايتۋىنشا اقىننىڭ ءالى ەش جەردە باسىلىپ شىقپاعان شىعارمالارى كوپ.

«ماسەلەن: «رۇستەم قىرعىنى»، سودان كەيىن «باقىتتى جامال»، «مۇزقالا»، «يساتاي-ماحامبەت» پەساسى، «ماقپال» پەسالارى. ءبىرقاتارى بار، بىرەۋى مۇلدەم جوق. اتتارى بار، تىزىمدە جازىلعان، ءبىراق سول كىتاپتارى ءوز تۇسىندا شىقپاي قالدى، جوعالىپ كەتتى»، - دەيدى عالىم.

ءىلياس جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ عالىمدارى ءدال وسى جوعالعان دۇنيەلەردىڭ ءبىرازىن ىزدەپ تاپتى. وڭدەدى. مەرەيتوي اياسىندا 25 تومدىق كىتاپ رەتىندە شىعارماق. ال اقىننىڭ تۋىستارى بولسا قالامگەردىڭ تۋىندىلارىن شەت تىلدەرىنە اۋدارتىپ، جانسۇگىروۆتى جاھانعا تانىتۋدىڭ جولدارىن قاراستىرىپ جاتىر.

«جۋىردا عانا اقىننىڭ «قۇلاگەر» پوەماسى اعىلشىن تىلىندە جارىق كوردى. ءبىراز شىعارمالارى نەمىس تىلىنە اۋدارىلدى»، - دەيدى ءىلياس جانسۇگىروۆتىڭ كەلىنى قارلىعاش قاڭتاربايەۆا.

قالامگەردىڭ 125 جىلدىعى كەڭ كولەمدە اقىننىڭ كىندىك قانى تامعان اقسۋ اۋدانىندا تويلانادى. قازىرگى تاڭدا اۋدان ورتالىعى جانسۇگىروۆ اۋىلىنىڭ كوشەلەرى اباتتاندىرىلىپ، جولدارى جوندەلىپ جاتىر.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات