الماتىدا ءۇي كارانتينىن بۇزعان 121 ادامعا ايىپپۇل سالىندى

None
None
الماتى. قازاقپارات - الماتىدا ءۇي كارانتينىن بۇزعان «قىزىل» مارتەبەسى بار 121 ادامعا ايىپپۇل سالىندى، دەپ حابارلايدى قازاقپارات ءتىلشىسى.

« A shyq ارقىلى 14 كۇندىك ءۇي كارانتينىن بۇزعان 121 الماتىلىق اكىمشىلىك جاۋاپقا تارتىلدى جانە ايىپپۇل (30 ا ە ك) تولەدى»، - دەپ حابارلادى سانيتارلىق-ەپيدەميولوگيالىق باقىلاۋ دەپارتامەنتىنەن.

COVID-19 ءۇشىن پ ت ر تەستى وڭ ناتيجەسىن بەرگەن الماتىلىقتار قوعامدىق ورىندارعا بارىپ، «ASHYQ» بويىنشا جۇمىس ىستەيتىن نىسانداردا- ح ق ك و، مەيرامحانا، فيتنەس-ورتالىقتار، اۋەجاي، كينوتەاترلار، كومپيۋتەرلىك كلۋبتار، باسسەيندەر، سوو، بازارلار، تەاترلار جانە تاعى باسقا نىسانداردىڭ قىزمەتتەرىن پايدالانۋعا تىرىسقان.

«قىزىل» مارتەبەدەگى ادامدار Ashyq جوباسى بويىنشا جۇمىس ىستەيتىن نىساندارعا كىرگىزىلمەدى.

سانيتاريالىق-ەپيدەميولوگيالىق باقىلاۋ دەپارتامەنتى امبۋلاتورلىق ەم الىپ جاتقان ازاماتتاردى ءوزىن-ءوزى وقشاۋلاۋ رەجيمىن بۇزباۋعا جانە قوعام الدىندا ازاماتتىق جاۋاپكەرشىلىكتى ۇمىتپاۋعا شاقىرادى.

جۇقتىرعاندارمەن بايلانىستا بولعان ادامدار دا ءوزىن-ءوزى وقشاۋلاۋ رەجيمىن ساقتاۋى جانە باسقا ادامداردىڭ جۇقتىرۋىن بولدىرماۋ ءۇشىن ادامدار جاپپاي جينالاتىن ورىندارعا بارۋدان باس تارتۋى ءتيىس.

سوڭعى جاڭالىقتار