+7 (701) 759 90 19 Лента
20 °С : استانا
29 °С : الماتى
USD 361.94 EUR 423.25
RUB 5.40 CNY 52.82
جاڭالىقتار

توكيو وليمپياداسى الاۋىنىڭ ەستافەتاسى 121 كۇنگە سوزىلادى

14 شىلدە 10:58 378
:ءبولىسۋ
توكيو وليمپياداسى الاۋىنىڭ ەستافەتاسى 121 كۇنگە سوزىلادى

استانا. قازاقپارات - 2020-جىلى توكيودا وتەتىن وليمپيادا جانە پاراليمپيادا ويىندارىنىڭ ۇيىمداستىرۋ كوميتەتى توكيو-2020 وليمپيادا الاۋىنىڭ ەستافەتاسى تۋرالى العاشقى مالىمەتتەرمەن ءبولىستى.

بۇل تۋرالى قازاقپارات ۇ و ك سايتىنا سىلتەمە جاساپ حابارلايدى.

ەستافەتا كەستەسىنە جاپونيانىڭ 47 پرەفەكتۋراسى ەنەدى. بۇل ءار ايماقتىڭ ءتۇرلى مادەنيەتى مەن ەرەكشەلىكتەرىن الەمگە پاش ەتۋگە بەرىلگەن ۇلكەن مۇمكىندىك بولماق.

وليمپيادا الاۋىنىڭ جورىعى 2020-جىلدىڭ 26- ناۋرىزىندا فۋكۋسيما پرەفەكتۋراسىنان باستالىپ، ەلدىڭ وڭتۇستىگىنە جول تارتادى. ۇيىمداستىرۋشىلار الاۋ ەستافەتاسى ساكۋرا گۇلدەيتىن كەز -ءساۋىر ايىندا جاپونيانىڭ ورتالىق ايماعىن باسىپ وتەتىنىن ايتادى. كەيىن ەستافەتا جاپونيانىڭ وڭتۇستىك-باتىسىنا بەت تۇزەپ، مامىردىڭ باسىندا ەلدىڭ ەڭ شەتكى وڭتۇستىك نۇكتەسىندەگى پرەفەكتۋرا وكيناۆا ارالدارىنا جەتەدى. مامىردىڭ ورتاسىندا الاۋ ەستافەتاسى كيوتو ارقىلى سولتۇستىك ايماقتاردا وتەدى، كەيىن وڭتۇستىككە قايتا ورالىپ، توكيودا ساپارىن اياقتايدى.

ەستافەتا جالپى ەسەبى 121 كۇنگە سوزىلادى. ۇيىمداستىرۋشىلار كوميتەتىنىڭ ايتۋىنشا، الاۋ ەستافەتاسى الەم نازارىن وليمپيادا ويىندارىنا اۋدارىپ قانا قويماي، 2011-جىلعى جەر سىلكىنىسىنەن سوڭ ءالى كۇنگە دەيىن قالپىنا كەلتىرۋ ۇدەرىسى ءجۇرىپ جاتقان ايماقتارعا ءىلتيپات كورسەتۋگە اسەرىن تيگىزبەك. ەستافەتانىڭ ۇرانى - «ءۇمىت ءبىزدىڭ جولىمىزدى ساۋلەلەندىرەدى».

الاۋ ەستافەتاسىنىڭ ناقتى باعىتى جاقىن ايلاردا تانىستىرىلىپ، 2019-جىلى حالىقارالىق وليمپيادا كوميتەتى بەكىتكەن سوڭ جاريالانادى.


باستى سوزدەر: سپورت,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات