+7 (701) 759 90 19
23 °С : نۇر-سۇلتان
31 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ۇلى بريتانيادا كوروناۆيرۋستىڭ ەكىنشى تولقىنى 120 مىڭ ادامنىڭ ءومىرىن قيۋى مۇمكىن

14 شىلدە 19:03
:ءبولىسۋ
ۇلى بريتانيادا كوروناۆيرۋستىڭ ەكىنشى تولقىنى 120 مىڭ ادامنىڭ ءومىرىن قيۋى مۇمكىن

بريۋسسەل. قازاقپارات – ۇلى بريتانيا وسى قىستا كوروناۆيرۋس ينفەكسياسىنىڭ ەكىنشى تولقىنىنا دايىندالۋى كەرەك. ول بىرىنشىگە قاراعاندا ءولىم جاعدايىن كوبەيتۋى مۇمكىن.

بۇل تۋرالى بريتاندىق مەديتسينا عىلىمدارى اكادەمياسىنىڭ سەيسەنبىدە جاريالانعان بايانداماسىندا ايتىلدى، دەپ حابارلايدى قازاقپاراتتىڭ مەنشىكتى ءتىلشىسى.

پاندەميا مەن الداعى تۇماۋ ىندەتىنە بايلانىستى ەلدىڭ دەنساۋلىق ساقتاۋ جۇيەسىندە تۋىنداعان قيىندىقتارمەن قاتار كوروناۆيرۋستىڭ ەكىنشى تولقىنى ۇلى بريتانيا ازاماتتارى ءۇشىن ايتارلىقتاي قاۋىپ توندىرەدى. وسىعان بايلانىستى قۇجات دەنساۋلىق ساقتاۋ جۇيەسىنىڭ شامادان تىس جۇكتەمە قاۋپىن ازايتۋ ءۇشىن جانە قىستا دەمىكپە، ينفاركت، وكپەنىڭ سوزىلمالى وبسترۋكتيۆتىك اۋرۋى مەن ينسۋلت سياقتى باسقا دا ينفەكسيالاردىڭ تارالۋ قاۋپى ارتاتىندىقتان جەدەل دايىندىقتى قازىردەن باستاۋعا شاقىرادى.

قۇجاتتا ۇلى بريتانياداعى كوروناۆيرۋستىڭ ەكىنشى تولقىنى قالاي داميتىنىنا قاتىستى بەلگىسىزدىكتىڭ جوعارى دارەجەسى بار ەكەنى كورسەتىلگەن. وندا اۋرۋ جۇقتىرعان ادامداردىڭ ورتاشا سانىن كورسەتەتىن R رەپرودۋكسيا يندەكسى 2020 -جىلدىڭ قىركۇيەگىنەن باستاپ 1,7-گە دەيىن وسەدى. 2021 -جىلعى قاڭتار- اقپاندا ۇلى بريتانيادا اۋرۋحاناعا ءتۇسۋ مەن ءولىم وقيعالارى وتە كوپ بولادى دەپ بولجانىپ وتىر. سونىمەن قاتار، بيىلعى قىركۇيەك ايىنان باستاپ 2021 -جىلدىڭ ماۋسىمىنا دەيىنگى كەزەڭدە كوروناۆيرۋستان تۋىنداعان اتيپيالىق پنيەۆمونيامەن بايلانىستى COVID-19 ۆيرۋسىنان قايتىس بولۋ جاعدايلارىنىڭ سانى 119900 ادامعا جەتۋى مۇمكىن.

ايتا كەتەيىك، ۇلى بريتانيادا ىندەتكە شالدىققانداردىڭ جالپى سانى 290 مىڭ ادامنان استى. COVID-19 ۆيرۋسىنان 44,8 مىڭ ادام كوز جۇمعان.

اۆتور: تيمۋر دۇيسەكەيەۆ



#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات