13:43, 25 - اقپان 2020 | GMT +6
قورداي وقيعاسى: 120 قىلمىستىق ءىس بويىنشا تەرگەۋ ءجۇرىپ جاتىر
نۇر-سۇلتان. قازاقپارات - قوردايداعى وقيعادان كەيىن 120 قىلمىستىق ءىس بويىنشا تەرگەۋ امالدارى جۇرگىزىلىپ جاتىر، دەپ حابارلايدى قازاقپارات ءتىلشىسى.
«قورداي وقيعاسى بويىنشا قازىرگى ۋاقىتتا 120 قىلمىستىق ءىس قوزعالعان. ۆەدومستۆوارالىق جەدەل تەرگەۋ توبىن باس پروكۋراتۋرا باسقارادى. وكىنىشكە قاراي، قىلمىستىق-پروتسەسسۋالدىق كودەكستىڭ 201-بابىنا سايكەس تەرگەۋ امالدارى جايلى اقپاراتتى، سونىمەن قاتار قانشا ادامنىڭ قىلمىستىق جاۋاپكەرشىلىككە تارتىلىپ، قانشاسىنىڭ قاماۋعا الىنعانىن جاريالاي المايمىز»، - دەدى ىشكى ىستەر مينيسترلىگى تەرگەۋ دەپارتامەنتىنىڭ باسشىسى سانجار ءادىلوۆ ۇكىمەت وتىرىسىنان كەيىن تىلشىلەرگە.
دەگەنمەن ول قوردايداعى قاقتىعىس بويىنشا قاماۋعا الىنعاندار بارىن جەتكىزدى.
«قازىرگى ۋاقىتتا ق ر قىلمىستىق كودەكسىنىڭ 99-بابى (كىسى ءولتىرۋ) بابى بويىنشا 11 قىلمىستىق ءىس قوزعالعان»، - دەدى ول.