قازاقستاندىقتار 120 مىڭنان استام ەسكى كولىك تاپسىردى
وسى ارالىقتا ەكى باعدارلاما بويىنشا 121477 اۆتوكولىك تاپسىرىلدى. توزىعى جەتكەن كولىگىن وتكىزگەن قازاقستاندىقتارعا 11,5 ميلليارد تەڭگە قاراجات تولەندى، دەپ حابارلادى و ك م وپەراتورىنىڭ باسپا ءسوز قىزمەتى.
سەرتيفيكات باعدارلاماسى بويىنشا 44226 اۆتوكولىك قابىلداندى. تابىستالعان سەرتيفيكاتتىڭ 38528 وتاندىق وندىرۋشىدەن 20646 سۋ جاڭا اۆتوكولىك ساتىپ الۋعا پايدالانىلدى.
ەسكى كولىكتەردى جويۋعا قابىلداۋ باعدارلاماسى بويىنشا ايماقتاردان جينالعان اۆتوكولىكتەر قاراعاندى وبلىسىنداعى زاۋىتقا جەتكىزىلەدى. ىستەن شىققان كولىك قۇرالدارى سول جەردە قايتا وڭدەلەدى. قازىرگى تاڭدا زاۋىت ىسكە قوسىلعاننان بەرى 102 مىڭ كولىكتى قايتا وڭدەدى، - دەلىنگەن اقپاراتتا.
توزىعى جەتكەن كولىك قۇرالدارىن قابىلداۋ باعدارلاماسىنىڭ باستى ماقساتى وتاندىق پاركتى جاڭارتۋ، اۆتوكولىكتەردەن ەكولوگياعا شىعاتىن ۋلى گازدار كولەمىن ازايتۋ. جانە دە قازاقستاندىق اۆتووندىرىستى ىنتالاندىرىپ، قايتا وڭدەۋ سالاسىنىڭ ينفروقۇرىلىمىن قالىپتاستىرۋ باسىم باعىتتاردىڭ ءبىرى بولىپ سانالادى.
BAQ. KZ