+7 (701) 759 90 19
17 °С : نۇر-سۇلتان
24 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاق دالاسىنداعى مۇناي وندىرىسىنە 120 جىل تولدى

3 قىركۇيەك 06:20
:ءبولىسۋ
قازاق دالاسىنداعى مۇناي وندىرىسىنە 120 جىل تولدى

نۇر-سۇلتان. قازاقپارات – بيىل قازاق دالاسىندا مۇنايدىڭ پايدا بولعانىنا 120 تولدى.

قازاقتاردىڭ ەڭ العاشقى مۇنايدى قالاي پايدالانعانى تۋرالى 1927 -جىلى قازاقستان مۇناي كاسىپشىلىگىندە ەڭبەك ەتكەن سابىر ءشارىپوۆ «مۇناي» اتتى وقۋلىعىندا جازادى: «ورال- جەم ايماعىنداعى مۇناي 40-50 جىلدان بەرى ىزدەلگەن. ودان ارعى جەردە دە، سونداعى تۇرعىن قازاقتار مۇنايدىڭ بار ەكەندىگىن بىلگەن، كەرەگىنشە پايدالانعان. قۇدىق قازىپ، نە بولماسا جەردىڭ نە سۋدىڭ ۇستىنە شىعىپ جاتقان مۇنايدى الىپ جۇمساعان. ول مۇنايمەن قازاق كاسىپ قىلماعان. تۇيەنىڭ قوتىرىنا، ادامنىڭ ءىشى اۋىرعاندا، بولماسا قوتىر بولعاندا ەم قىلىپ، سوندايعا عانا جۇمساعان. ونىڭ وتىن ورنىنا جارايتىنىن بىلمەگەن، جاعىپ پايدالانباعان. سول قازاقتار مۇنايدىڭ اتىن «مۇناي» دەپ قويعان».

ال 1899 -جىلى قاراشادا قاراشۇڭعىل شاتقالىندا 40 مەتر تەرەڭدىكتەن قۇبىر ارقىلى العاش رەت مۇناي شىقتى، قازاقستان مۇنايىنىڭ تاريحى وسى كەزدەن باستاۋ الادى. 1911 -جىلى ساۋىردە اشىلعان دوسسور كەنىشىنەن شىققان جوعارى ساپالى مۇناي الەمدىك دەڭگەيدە نازارعا ءىلىندى. ەكى جىلدان سوڭ گۋريەۆ وبلىسىندا ماقات كەنىش ورنى اشىلدى. 1914 -جىلى ماقات پەن دوسسور ەكەۋىنەن 200 مىڭ توننادا استام مۇناي وندىرىلەدى.

Massaget.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات