بيىل 120 يندۋستريالدىق جوبا ىسكە قوسىلادى

استانا. قازاقپارات- اعىمداعى جىلى يندۋستريالاندىرۋ باعدارلاماسى اياسىندا 120 جوبا ىسكە قوسىلادى. بۇل تۋرالى بۇگىن ق ر يندۋستريا جانە ينفراقۇرىلىمدىق دامۋ مينيسترلىگىنىڭ كەڭەيتىلگەن القا ماجىلىسىندە ۆەدومستۆو باسشىسى جەڭىس قاسىمبەك ايتتى، دەپ حابارلايدى قازاقپارات ءتىلشىسى.

«2019 -جىلى سوماسى 1,1 تريلليون تەڭگەنى قۇرايتىن شامامەن 120 جوبانىڭ ىسكە قوسىلۋى جوسپارلانعان. 20 مىڭ تۇراقتى جۇمىس ورنى قۇرىلادى»، - دەدى مينيستر.

وسى ورايدا، ول اعىمداعى جىلى پايدالانۋعا بەرىلەتىن نىسانداردىڭ قاتارىندا قۇنى 30,6 ميلليارد تەڭگە بولاتىن قاراعاندى وبلىسىنداعى فەرروسيليتسيا، قۇنى 6,9 ميلليارد تەڭگە بولاتىن اقتوبە وبلىسىنداعى كەراميكا تاقتالارىن وندىرەتىن زاۋىتتاردى اتادى.

«جالپى يندۋستريالاندىرۋ باعدارلاماسىن ىسكە اسىرۋ كەزەڭىندە جالپى سوماسى 7,9 تريلليون تەڭگە بولاتىن  1250-دەن استام جوبا ىسكە قوسىلىپ، 120 مىڭ تۇراقتى جۇمىس ورنى قۇرىلدى. ال، 2018 -جىلى جالپى سوماسى 1,3 تريلليون تەڭگە بولاتىن 100-دەن استام جوبا ىسكە قوسىلىپ، 13 مىڭ تۇراقتى جۇمىس ورنى اشىلدى»، - دەدى ج. قاسىمبەك.

اۆتور: مارلان جيەمباي