+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

قازاقستاندىق 120 اسكەر ليۆانعا اتتانادى

4 قازان 11:40
:ءبولىسۋ
قازاقستاندىق 120 اسكەر ليۆانعا اتتانادى

استانا. قازاقپارات - بىرنەشە كۇننەن كەيىن قازاقستاندىق 120 بىتىمگەر ليۆانعا اتتانادى، دەپ حابارلايدى « حابار 24».

تاياۋ شىعىستا ءبىزدىڭ ساربازدار ءۇندىستان قارۋلى كۇشتەرىمەن بىرلەسىپ جۇمىس ىستەيدى.

وسىعان وراي بۇگىن ەلىمىزدىڭ قورعانىس ءمينيسترى نۇرلان ەرمەكبايەۆ ءۇندىستاندىق ارىپتەسى نيرمالا سيتارامانمەن كەزدەسىپ، جاۋىنگەرلەرگە ءسات ساپار تىلەدى.

18 جىلدىق تاريحى بار وتاندىق بىتىمگەرلەر پولكى وسىعان دەيىن تاجىكستان، يراك، نەپال جانە باتىس ساحارا ايماقتارىندا قىزمەت اتقارعان. ال بۇل جولى جەرلەستەرىمىز ليۆاندا التى اي بويى ەڭبەك ەتىپ، تاجىريبە الماسادى.

نۇرلان ەرمەكبايەۆ، ق ر قورعانىس ءمينيسترى:

- قازاقستاندىق اسكەريلەرگە ليۆانداعى ۇلتتىق كونتينگەنت قۇرامىندا قىزمەت ەتۋگە مۇمكىندىك بەرگەن ءۇندىستان ۇكىمەتىنە العىس بىلدىرەمىن. ءبىزدىڭ ساربازدار ارىپتەستەرىنىڭ كومەگىمەن ايماقتاعى بەيبىتشىلىكتى ساقتاۋعا ۇلەس قوسادى دەپ ويلايمىن. ولار وقۋ- جاتتىعۋ پوليگونىندا بارىنشا دايىندىقتان ءوتتى.

نيرمالا سيتارامان، ءۇندىستان رەسپۋبليكاسىنىڭ قورعانىس ءمينيسترى:

- قازاقستان مەن ءۇندىستان اراسىنداعى اسكەري ىنتىماقتاستىق قوس مەملەكەت ءۇشىن ماڭىزدى ءرول اتقارادى. قازىرگى ۋاقىتتا ءبىز اسكەري باعىتتا وقىتۋ جانە ءتۇرلى دايىندىق جۇمىستارىن جۇرگىزۋگە باسا نازار اۋدارامىز. ەندى تاراپتاردىڭ تاجىريبە الماسۋىنا زور مۇمكىندىك تۋدى.

www.24.kz


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات