02:14, 23 - ماۋسىم 2018 | GMT +6
قىتايدا 120 ميلليون جىل بۇرىن جاساعان دينوزاۆرلاردىڭ ءىزى تابىلدى
استانا. قازاقپارات - حالىقارالىق ەكسپەديتسيا قۇرامىندا بولعان ءبىر توپ امەريكالىق، اۆستراليالىق، قىتايلىق ارحەولوگتار شاندۋڭ پروۆينتسياسىندا شامامەن 120 ميلليون جىل بۇرىن جاساعان 7 ءتۇرلى دينوزاۆرلاردىڭ 300 گە تارتا ءىزىن تاپتى.
لين ۋنيۆەرسيتەتى ماڭىنداعى گەولوگيا جانە پالەونتولوگيا ينستيتۋتى ديرەكتورى ۆان سيوليننىڭ حابارلاۋىنشا وسى ۋاقىتقا دەيىن ءبىر رەتتە دينوزاۆر قالدىقتارى كەزدەسپەگەن شاندۋڭدا ولاردىڭ ىزدەرىنىڭ تابىلۋى عالىمداردى تاڭعالدىرعان. ارحەولوگتار تابىلعان ىزدەرگە قاراپ دينوزاۆرلار تۋرالى كەيبىر مالىمەتتەردىڭ جاڭساقتىعىنا كوز جەتكىزىپ وتىر. سەبەبى تابىلعان ىزدەردىڭ نەگىزگىسى دەينونيحتەرگە تيەسىلى بوپ (وسىدان 121-98 ميلليون جىل بۇرىن جاساعان كەسىرتكىگە ۇقسايتىن بويى 3,3-5 مەتر، سالماعى 70 كەلى بولاتىن جىرتقىش دينازاۆرلار تۇرىنە جاتادى) عالىمدار ولاردى جەكە- دارا ءومىر سۇرگەن دەپ كەلگەن ەدى. ءبىراق تاستاعى تاڭبالار دەينونيحتەردىڭ توپتانىپ ءومىر سۇرگەنىنەن حاباردار ەتۋدە.
Massaget.kz