+7 (701) 759 90 19 Лента
14 °С : استانا
11 °С : الماتى
USD 328.31 EUR 386.62
RUB 5.27 CNY 51.49
جاڭالىقتار

بولاشاقتا ادامدار ەڭ كەمى 120 جىل ءومىر سۇرە الادى - عالىم گيل اتسمون

17 مامىر 20:09 278
:ءبولىسۋ
بولاشاقتا ادامدار ەڭ كەمى 120 جىل ءومىر سۇرە الادى - عالىم گيل اتسمون

استانا. قازاقپارات - Global Challenges Summit 2018 فورۋمىندا حايفا ۋنيۆەرسيتەتىنىڭ پروفەسسورى، عالىم گيل اتسمون ادامنىڭ ءومىر ءسۇرۋ ۇزاقتىعىنا قاتىستى زەرتتەۋ ناتيجەلەرىمەن ءبولىستى، دەپ حابارلايدى قازاقپارات ءتىلشىسى.

ونىڭ ايتۋىنشا، عىلىمداعى جەتىستىكتەر ارقىلى ادامنىڭ ءومىر ءسۇرۋ جاسىن 200-500  جىلعا دەيىن ۇزارتۋعا بولادى.

«جىل سايىن الەم تۇرعىندارىنىڭ ءومىر ءسۇرۋ ۇزاقتىعى 2-3 ايعا ۇزارىپ كەلەدى. 2018 -جىلى تۋعان بالالار ءۇشىن 100  جىل ءومىر ءسۇرۋ قالىپتى بولۋى مۇمكىن. ال بولاشاقتا ادامدار ەڭ كەمى 120 جىل، ءتىپتى 200-500 جىلعا دەيىن ءومىر سۇرە الادى. مۇنى قالاي جۇزەگە اسىرامىز؟ ادامنىڭ جەكە ەكونوميكاسىن قولدانامىز، بۇلشىق ەتتەر ينجەنەرياسى، جاسۋشالاردى وزگەرتۋ، نانوتەحنولوگيالار بار. ياعني، ادام اعزاسىنا كىشكەنتاي روبوتتار ەنگىزىلىپ، قاجەتسىز جاسۋشالاردى الماستىرىپ وتىرادى. ادامنىڭ تۇتاس دەنەسىن الماستىرا الادى جانە 200 جاستاعى دەنى ساۋ ادامدى قوعامعا قايتارا الامىز»، - دەدى يزرايلدىك حايفا ۋنيۆەرسيتەتىنىڭ پروفەسسورى، عالىم گيل اتسمون «كەرەمەت ادامنىڭ تۋۋى. پوستگۋمانيزم ءداۋىرى» پىكىرتالاسىندا.

ءوز زەرتتەۋلەرىندە يزرايلدىك عالىم ۇزاق ءومىر سۇرۋشىلەرگە قورشاعان ورتانىڭ اسەر ەتپەيتىنىن بايقاعان.

 «ۇزاق ءومىر سۇرۋشىلەردىڭ جارتىسىنا جۋىعى 70  جىل بۇرىنعىداي ىشىمدىك ىشەدى جانە شىلىم شەگەدى. ولاردىڭ ارنايى ديەتاسى جوق، ارتىق سالماقتارى بار. ولاردىڭ ۇزاق ءومىر سۇرۋىنە گەنەتيكا دا اسەر ەتۋى مۇمكىن. ايتسە دە، الەمدىك زەرتتەۋ بارىسىندا ولاردىن ۇزاق ءومىر ءسۇرۋدىڭ سىرىن سۇراعان ەدىك. جاپوندىقتار بالىق جەيتىنىن ايتتى، قىتايلىقتار كوك شاي مەن ءزىمبىر، فرانسيادا - قىزىل شاراپ، يتاليادا - پاستا، گرەكيادا - ءزايتۇن مايى، امەريكادا - جاتتىعۋلار، ال ءبىزدىڭ ەلىمىزدە باقىتتى بولۋ»، - دەپ ءوز ءسوزىن تۇيىندەدى گيل اتسمون.

ايتا كەتەيىك، XI استانا ەكونوميكالىق فورۋمى ەلوردادا 17-19 - مامىر كۇندەرى وتەدى. بۇعان دەيىنگى فورۋمداردا جاھاندىق ەكونوميكا، سيفرلاندىرۋ جانە تاعى باسقا ماسەلەلەر قارالسا، بيىلعى فورۋم كەزىندە رەسۋرستار، روبوتيزاتسيا، ادامزاتتىڭ وزگەرۋى، اگروونەركاسىپ سالاسىنداعى جەتىستىكتەر، دەنساۋلىق سالاسىنىڭ ماسەلەلەرى تالقىلانادى.

فوتو: www.asuh.org

اۆتور: ايجان سەرىكجان قىزى


باستى سوزدەر: قوعام, دەنساۋلىق,
:ءبولىسۋ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات