بيىل ج و و- لار بويىنشا استانا اكىمىنىڭ  1200-گە جۋىق گرانتى ءبولىندى
5 شىلدە 10:28

بيىل ج و و- لار بويىنشا استانا اكىمىنىڭ  1200-گە جۋىق گرانتى ءبولىندى

نۇر- سۇلتان. قازاقپارات - نۇر- سۇلتان اكىمدىگىنىڭ سايتىندا پەداگوگيكا، مەديتسينا ماماندىقتارى مەن گۋمانيتارلىق پاندەر بويىنشا مەملەكەتتىك ءبىلىم بەرۋ تاپسىرىسى ورنالاستىرىلعان جوعارى وقۋ ورىندارىنىڭ تىزبەسى جاريالاندى.

بيىل بۇل باعىتتارعا 1200-گە جۋىق اكىم گرانتى ءبولىندى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.

ءبىلىم گرانتى ءتىزىم بويىنشا مىناداي ماماندىقتارعا بەرىلەدى:

- پەداگوگيكالىق ماماندىقتارعا - 1050 ورىن.

- مەديتسينالىق ماماندىقتار بويىنشا - رەزيدەنتۋراعا 128 ورىن.

- گۋمانيتارلىق پاندەر بويىنشا - يسلامتانۋ، تەولوگيا، ءدىنتانۋ - 15 ورىن.

قالا اكىمىنىڭ ءبىلىم گرانتى ۇكىمەتتىڭ 2008 -جىلعى 23 -قاڭتارداعى №58 قاۋلىسىنىڭ 2-تاراۋ 11-تارماعىنا سايكەس بەرىلىپ كەلەدى.

«ءبىلىم گرانتى جەرگىلىكتى بيۋدجەت قاراجاتى ەسەبىنەن جوعارى ءبىلىم گرانتتارى كونكۋرسىنا قاتىسۋ ءۇشىن قىسقارتىلعان وقۋ مەرزىمدەرى كوزدەلەتىن جوعارى ءبىلىم كادرلارىن دايارلاۋدىڭ ۇقساس باعىتتارى بويىنشا تۇسۋشىلەردى قوسپاعاندا، ورتا، تەحنيكالىق جانە كاسىپتىك نەمەسە ورتا بىلىمنەن كەيىنگى ءبىلىمى بار، ۇبت- دان وتكەن جانە ونىڭ ناتيجەسى بويىنشا بەرىلەدى»، - دەلىنگەن قالالىق ءبىلىم باسقارماسى تاراتقان حابارلامادا.

ءبىلىم باسقارماسىنىڭ تاراتقان مالىمەتتەرىنە سايكەس گرانت ۇمىتكەرلەرىنە مىناداي تالاپتار قويىلادى: - ۇلتتىق ج و و - عا ءتۇسۋ ءۇشىن - كەمىندە 65 بالل، «پەداگوگيكالىق عىلىمدار» ءبىلىم سالاسى بويىنشا - كەمىندە 75 بالل، دەنساۋلىق ساقتاۋ سالاسى بويىنشا كەمىندە 70 بالل؛ - باسقا ج و و- عا ءتۇسۋ ءۇشىن - كەمىندە 50 بالل، «پەداگوگيكالىق عىلىمدار» ءبىلىم سالاسى بويىنشا - كەمىندە 75 بالل، دەنساۋلىق ساقتاۋ سالاسى بويىنشا كەمىندە 70 بالل جيناعاندار جىبەرىلەدى.

ال مەديتسينا ماماندىقتارى بويىنشا رەزيدەنتۋراعا جوعارى وقۋ ورنىنان كەيىنگى ءبىلىم الۋ ءۇشىن مىنا سىلتەمە ارقىلى ءوتىنىش بەرۋگە بولادى.

جاڭالىقتار