+7 (701) 759 90 19
-17 °С : نۇر-سۇلتان
-5 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

تۇركياداعى جەر سىلكىنىسى: قازا بولعاندار سانى 12 ادامعا ارتتى، 522- ءسى زارداپ شەكتى

31 قازان 10:47
:ءبولىسۋ
تۇركياداعى جەر سىلكىنىسى: قازا بولعاندار سانى 12 ادامعا ارتتى، 522- ءسى زارداپ شەكتى

يزمير. انادولى - قازاقپارات - تۇركيادا جەر سىلكىنىسى سالدارىنان قازا بولعاندار سانى 12 ادامعا ارتتى، زارداپ شەكتى - 522 ادام.

«قازاقپارات» ح ا ا بۇل تۋرالى «انادولى» اگەنتتىگىنە سىلتەمە جاساپ حابارلايدى.

بۇعان دەيىن حابارلاعانىمىزداي، جۇما كۇنى تۇركيانىڭ باتىسىندا 6,6 بالل قۋاتىمەن جەر سىلكىندى. تۇركيا ۇكىمەتى جانىنداعى توتەنشە جاعدايلاردىڭ الدىن الۋ جانە ولاردىڭ سالدارىن جويۋ جونىندەگى باسقارمانىڭ (AFAD) اقپاراتىنا سايكەس، جەرگىلىكتى ۋاقىت ساعات 14.51-دە تىركەلگەن جەر سىلكىنىسىنىڭ وشاعى يزمير پروۆينتسياسىنىڭ سەفەرحيسار اۋدانىندا، ەگەي تەڭىزىنىڭ جاعالاۋىندا ورنالاسقان.

ءزىلزالا ەپيتسەنترى 16,5 شاقىرىم قاشىقتىقتا بولعان. دۇمپۋلەر 15 سەكۋندقا جۋىق جالعاسقان جانە تۇركيا باتىسىنىڭ كوپتەگەن پروۆينتسيالارىندا سەزىلدى. تۇركيا ىشكى ىستەر مينيسترلىگىنەن ءمالىم ەتكەندەي، يزمير قالاسىنداعى بورنوۆا جانە بايراكلى اۋداندارىندا التى تۇرعىن ءۇي قيرادى. ەلدىڭ ەكولوگيا جانە قالا قۇرىلىسى ءمينيسترى مۋرات كۋرۋمانىڭ سوزىنشە، 12 ادام قازا بولىپ، 522 ادام زارداپ شەكتى.

AFAD دەرەگىنە سايكەس، جەراستى دۇمپۋلەرىنەن كەيىن 67 افتەرشوك تىركەلگەن. قيراندىلار اراسىنان 70 تۇرعىن تابىلدى. يزميردە ءتيىستى جۇمىستاردى جۇرگىزۋ ءۇشىن ازىرگە 3 ميلليون تۇرىك ءليرى ءبولىنىپ وتىر.

الدىن الا اقپارات بويىنشا، زارداپ شەككەندەر اراسىندا قازاقستان ازاماتتارى جوق. قازاقستان رەسپۋبليكاسىنىڭ تۇركياداعى ەلشىسى ابزال ساپاربەك ۇلى ەلىمىز ازاماتتارى حابارلاسا الاتىن تەلەفون نومىرلەرىن جاريالادى.

اۆتور: ميرا تولەندى قىزى


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات