+7 (701) 759 90 19
10 °С : نۇر-سۇلتان
9 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ەلوردادا كارانتين شەكتەۋىن ساقتاماعاندارعا 12,4 ميلليون تەڭگە ايىپپۇل سالىندى

27 شىلدە 11:57
:ءبولىسۋ
ەلوردادا كارانتين شەكتەۋىن ساقتاماعاندارعا 12,4 ميلليون تەڭگە ايىپپۇل سالىندى

نۇر-سۇلتان. قازاقپارات - ەلوردادا كارانتين شارالارىن ساقتاماعاندارعا 12,4 ميلليون تەڭگە ايىپپۇل سالىندى، دەپ حابارلايدى قازاقپارات نۇر-سۇلتان قالاسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە سىلتەمە جاساپ.

«قالالىق دەپارتامەنتتىڭ اۋماقتىق باسقارمالارى 5- شىلدەدەن باستاپ جەكە تۇلعالار مەن كاسىپكەرلىك سۋبەكتىلەرىنە قاتىستى قاتاڭ شەكتەۋلى كارانتين شارالارىن ساقتاماعانى ءۇشىن جالپى سوماسى 12472220 تەڭگە اكىمشىلىك قۇقىق بۇزۋشىلىق تۋرالى 50 حاتتاما جاسادى. جەكە تۇلعالار مەن كاسىپكەرلىك سۋبەكتىلەرى قازاقستانداعى جانە نۇر-سۇلتان قالاسىنداعى كوروناۆيرۋس ينفەكتسياسىنا بايلانىستى ەپيدەميولوگيالىق جاعدايعا قاراماستان، حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭنامانىڭ تالاپتارىن ساقتامايدى.

اتاپ ايتقاندا، نىسانداردىڭ جۇمىس رەجيمى ساقتالمايدى، ماسكا تاقپايدى، الەۋمەتتىك قاشىقتىق ساقتالمايدى، قىزمەتى ۋاقىتشا توقتاتىلعان وبەكتىلەر جۇمىس ىستەپ تۇرعان»، دەلىنگەن حابارلامادا.

بۇگىنگى تاڭدا نۇر-سۇلتان قالاسىنىڭ ت ك ق س ق ب دەپارتامەنتىنىڭ اۋماقتىق باسقارمالارىنا پۋداندىق پوليتسيا باسقارمالارىنان كارانتيندى بۇزۋعا قاتىستى 250 دەن استام ماتەريال كەلىپ تۇسكەن. ولار زەردەلەۋ جانە قاراۋ ساتىسىندا. كاسىپكەرلەر اراسىندا دا، قالا تۇرعىندارى اراسىندا دا كارانتيندى بۇزۋشىلارعا قارسى شارالار قولدانىلدى، تەك قاتاڭ كارانتين شارالار كوروناۆيرۋستىڭ تارالۋىن توقتاتۋعا كومەكتەسەتىنىن ايتا كەتۋ كەرەك»، دەلىنگەن حابارلامادا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات