اۋىلدىڭ 12 جىلدىق تاجىريبەسى بار مۇعالىمى 400 مىڭ تەڭگەگە جۋىق جالاقى الادى - اسحات ايماعامبەتوۆ
«پاۆلودار وبلىسىنىڭ ءبىلىم بەرۋ نىساندارىن ارالالاپ، جەتەكشى اۋىلىنىڭ مەكتەبىندە مۇعالىمدەرمەن اڭگىمەلەسىپ، وقۋ باعدارلامالارى مەن جازعى مەكتەپتىڭ قورىتىندىسىن تالقىلادى. سونداي- اق جالاقى تاقىرىبى دا نازاردان تىس قالمادى. مىسالى، 12 جىلدىق تاجىريبەسى بار ينفورماتيكا ءپانىنىڭ مۇعالىمى جالاقىسى 400 مىڭ تەڭگەگە جۋىق ەكەنىن جانە بۇل اۋىل مەكتەبى ءۇشىن جاقسى تابىس ەكەنىن ايتتى. جالپى مەكتەپتىڭ جاعدايى قاناعاتتانارلىق، ساباق وتكىزۋگە جاقسى جاعداي جاسالعانىمەن، «وقۋعا قۇشتار مەكتەپ» جوباسى ءتيىستى دەڭگەيدە ورىندالماعان، ساتىپ الىنعان ادەبيەتتەر مينيسترلىكتىڭ ۇسىنىستارىنا ساي كەلمەيدى جانە بالالارعا قىزىقتى باسىلىمدار از. بۇل باعىتتا ءتيىستى جۇمىستار جۇرگىزىلۋى قاجەت»، - دەپ جازدى مينيستر جەلىدەگى پاراقشاسىندا.
سونىمەن قاتار مينيسترن اقپاراتتىق تەحنولوگيالار كوللەدجىندە بولدى.
«كوللەدجدىڭ بۇرىن قانداي بولعانىن جانە قازىر قانداي جاعدايعا جەتكەنىن ەسكەرسەك، اتقارىلعان جۇمىستار تاڭ قالدىرادى. ءوڭىر باسشىسىنىڭ ت ج ك ب- نى جانە ونىڭ ىشىندە وسى كوللەدجدى دامىتۋ ماسەلەسىنە اتسالىسىپ جاتقانى قۋانتادى. بىلتىر وسى كوللەدجدىڭ ستۋدەنتى ەلىمىزگە EuroSkills سايىسىنان مەدال الىپ كەلگەن بولاتىن. ول «ۆەب- ديزاين» باعىتى بويىنشا سايىسقا ءتۇستى. كەمەڭگەر اۋىلىنداعى تاعى ءبىر كوللەدج ۆەتەرينار دايىندىعى باعىتى بويىنشا جۇمىس ىستەيدى. «جاس مامان» جوباسىنىڭ ارقاسىندا كوللەدجدىڭ ماتەريالدىق- تەحنيكالىق بازاسى جاقسارتىلعان. كوللەدجدىڭ جۇمىسقا ورنالاستىرۋ، وقۋ شارۋاشىلىعىن دامىتۋ جانە دۋالدى وقىتۋ بويىنشا جاقسى كورسەتكىشتەرىن اتاپ وتۋگە بولادى. ءبىلىم بەرۋ ۇيىمدارىن ارالاعاننان كەيىن بارلىق باسشىعا ءتيىستى تاپسىرمالار بەرىلدى»، - دەپ تولىقتىردى اسحات ايماعامبەتوۆ.