الەمنىڭ 12 ەلىندە قازاق ءتىلىن ۇيرەتەتىن 31 ونلاين سىنىپ اشىلدى
«وتانداستار» قورىنىڭ ۇيىمداستىرۋىمەن 2019 -جىلى الەمنىڭ 25 ەلىنەن كەلگەن 5000 قانداستى قامتىعان 20-عا جۋىق شارا وتكىزىلسە، 2020 -جىلى الەمدى جاۋلاعان پاندەمياعا وراي بارلىق جوبا ونلاين فورماتقا كوشىرىلگەن.
«دەگەنمەن، جۇمىس توقتاپ قالعان جوق. وسى رەتتە الەمنىڭ 26 ەلىندەگى وتانداستاردىڭ قاتىسۋىمەن 5800-دەن استام ادامدى قامتىعان 13 ونلاين ءىس- شارا جانە 6 ونلاين- جوبا ۇيىمداستىرىلدى. 2021 -جىلى دا پاندەميالىق شەكتەۋلەرگە بايلانىستى ZOOM باعدارلاماسىندا 20 ەلدى قامتىعان 20 ونلاين كەزدەسۋ وتكىزىلدى. بۇل شارالاردىڭ بارلىعىندا سىرتتاعى اعايىننىڭ كوشى- قون، ىسكەرلىك، مادەني- گۋمانيتارلىق ماسەلەلەر مەن جوبالارعا قاتىستى ۇسىنىستارى مەن وتىنىشتەرى تالقىلاندى»، - دەدى م. سارباسوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
قور شەتەلدە تۇراتىن وتانداستارعا قازاق ءتىلى كۋرستارىن ۇيىمداستىرۋ ءۇشىن 12 ەلدە 31 ونلاين سىنىپ اشقان. ونلاين سىنىپتار تەلەديدار، نوۋتبۋك، كامەرا، تاعى باسقا قاجەتتى زاماناۋي تەحنيكالارمەن قامتىلعان. 2020 -جىلى 300-دەن استام ونلاين تەگىن ساباق وتكىزىلدى. وعان مىڭ جارىم ادام قاتىسىپ، 400-گە جۋىعى قازاق ءتىلىن جەتىك مەڭگەردى دەگەن سەرتيفيكات الدى. ال 2021 -جىلى 350 تەگىن ونلاين ساباق وتكىزىلدى. وندا 900 قانداس تەستىلەۋگە قاتىسىپ، قازاق ءتىلىن مەڭگەرىپ شىقتى.
«قازىرگى ۋاقىتتا ق ر ءبىلىم جانە عىلىم مينيسترلىگىنىڭ قولداۋىمەن شەتەلدەگى قانداستارعا قازاق ءتىلىن ۇيرەتۋ بويىنشا ورتاق امبەباپ وقۋ قۇرالدى ازىرلەنۋدە. سەبەبى، لاتىن قارپىمەن نەمەسە توتە جازۋمەن ساۋات اشقان بالالارعا كيريلليتسا ۇيرەتۋ قيىن. سوندىقتان، امبەباپ ءادىسناما قاجەت بولدى. بۇل قۇرال جىل سوڭىنا دەيىن دايىن بولۋى مۇمكىن، قوسىمشا حاباردار ەتەمىز»، - دەيدى ماعاۋيا سارباسوۆ.
اۆتور: ايجان سەرىكجان قىزى