USD 416.91 EUR 446.47
RUB 7.34 CNY 62.53
جاڭالىقتار

بيىل ەلىمىزدە 12 ميلليارد تەڭگەگە 130 ميلليون اعاش وتىرعىزىلدى -  مينيسترلىك

7 جەلتوقسان 19:03
:ءبولىسۋ
بيىل ەلىمىزدە 12 ميلليارد تەڭگەگە 130 ميلليون اعاش وتىرعىزىلدى -  مينيسترلىك

نۇر- سۇلتان. قازاقپارات - بيىل قازاقستاندا 130 ميلليون اعاش وتىرعىزىلدى. بۇل تۋرالى ق ر ەكولوگيا، گەولوگيا جانە تابيعي رەسۋرستار ۆيتسە- ءمينيسترى ءاليا شالابەكوۆا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ءمالىم ەتتى، دەپ حابارلايدى قازاقپارات ءتىلشىسى.

«وتكەن جىلى مەملەكەت باسشىسى قازاقستان حالقىنا جولداۋىندا 5 جىلدىڭ ىشىندە ورمان قورىن 2 ميلليارد اعاشقا كوبەيتۋ مىندەتىن تاپسىردى. وسى ورايدا ءوڭىر اكىمدىكتەرى اعاش وتىرعىزۋ، ياعني ورماندى دامىتۋدىڭ 2021-2025 -جىلدارعا ارنالعان كەشەندى جوسپارىن بەكىتتى. پرەزيدەنت تاپسىرماسىن ورىنداۋ بويىنشا 1 ميلليارد 539 ميلليون اعاشتى ءوڭىر اكىمدىكتەرى، ال 251 ميلليون اعاشتى مينيسترلىك وتىرعىزادى. مينيسترلىك ول اعاشتاردى ۇلتتىق پاركتەر مەن تابيعي رەزەرۆاتتاردىڭ اۋماعىندا ەگەدى. سونداي- اق تابيعات پايدالانۋشىلار مەن وزگە دە باستاماشىل توپتاردىڭ كۇشىمەن 210 ميلليون ءتۇپ اعاش وتىرعىزۋ كوزدەلىپ وتىر»، - دەدى ءاليا شالابەكوۆا.

ۆيتسە- ءمينيستردىڭ ايتۋىنشا، ەلىمىزدە اعاش وتىرعىزۋ بويىنشا بيىلعى جوسپار تولىق ورىندالدى.

«بيىل ەلىمىز بويىنشا 62 مىڭ گەكتار جەرگە 130 ميلليون ءتۇپ اعاش وتىرعىزىلدى. ونىڭ ىشىندە 59,5 ميلليوننان استام سەكسەۋىل (%46)، 45 ميلليوننان استام قاراعاي (35)، 8,7 ميلليون شەگىرشىن (7)، 5,5 ميلليون قايىڭ (4) جانە 11,3 ميلليون ءتۇپ (%)8 باسقا دا اعاش ءتۇرى ەگىلدى. بيىلعى جوسپارعا ساي اتالعان جۇمىسقا 12 ميلليارد تەڭگە كولەمىندە قارجى ءبولىندى. ونىڭ ىشىندە رەسپۋبليكالىق بيۋدجەتتەن 4,6 ميلليارد تەڭگە جانە جەرگىلىكتى بيۋدجەتتەن 7,4 ميلليارد تەڭگە»، - دەيدى ول.

ودان بولەك، مينيستر ورىنباسارى 422 بىرلىك تەحنيكا مەن جابدىقتىڭ ساتىپ الىنعانىن تىلگە تيەك ەتتى.

اۆتور: ءالي يبرايەۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات