جاز مەزگىلىندە 11 مىڭ ۇيىرمە جۇمىس ىستەيدى - وقۋ- اعارتۋ ءمينيسترى
«جاز مەزگىلىندە 1,4 ميلليون بالا قوسىمشا ءبىلىم بەرۋ مەكەمەلەرىندەگى سەكسيالار مەن ۇيىرمەلەرگە قاتىسادى. وسى ماقساتتا ءبىلىم بەرۋ ۇيىمدارىندا عىلىمي- تەحنيكالىق، مۋزىكالىق، كوركەمدىك، ەكولوگيالىق، تۋريستىك جانە باسقا دا باعىتتارداعى 11 مىڭ ۇيىرمە جۇمىس ىستەيدى»، - دەدى وقۋ- اعارتۋ ءمينيسترى ۇكىمەت وتىرىسىندا.
بالالار «جاسىل ەل» باعدارلاماسى شەڭبەرىندە كوگالداندىرۋمەن شۇعىلدانادى، ەلىمىزدىڭ كيەلى جەرلەرىنە ساياحاتتايدى، سپورتتىق جاتتىقتىرۋ جيىندارىندا شىنىعادى، تىلدىك كۋرستارمەن قامتىلادى.
سونداي- اق، مينيستر ءتيىستى مەملەكەتتىك ورگاندار ءبىرقاتار شارالاردى اتقارۋى قاجەتتىگىن ايتتى.
«دەنساۋلىق ساقتاۋ مينيسترلىگى دەمالىس نىساندارىنىڭ دايىندىعىن تەكسەرىپ، سانيتارلىق باقىلاۋعا الۋى ءتيىس. توتەنشە جاعدايلار مينيسترلىگى بالالاردىڭ سۋداعى قاۋىپسىزدىگىن قامتاماسىز ەتۋ، دەمالىس ورىندارىنداعى ءورت قاۋىپسىزدىگىن ساقتاۋ بويىنشا الدىن الۋ شارالارىن كۇشەيتۋى كەرەك.
ىشكى ىستەر مينيسترلىگى جاز مەزگىلىندە اتتراكسيوندار، لاگەرلەر، ساياباقتار مەن ويىن الاڭدارىنداعى بالالار قاۋىپسىزدىگىن كۇشەيتىپ، بالالاردىڭ ءقاۋىپسىز تاسىمالداۋىنا، جولداعى قاۋىپسىزدىگىنە ەرەكشە نازار اۋدارۋى قاجەت دەپ سانايمىز. جەرگىلىكتى اتقارۋشى ورگاندار - جازعى لاگەرلەر مەن الاڭداردى دايىنداۋ جۇمىستارىن تولىق اياقتاپ، بالالاردىڭ جايلى جانە ءقاۋىپسىز دەمالىسى مەن ساۋىقتىرىلۋىن ۇيىمداستىرۋى قاجەت» ، - دەدى عاني بەيسەمبايەۆ.
ايتا كەتەيىك، قازاقستاندا مەكتەپ وقۋشىلارىنىڭ % 85,3 جازعى دەمالىسپەن جانە ساۋىقتىرۋمەن قامتىلادى.