ا ق ش- تىڭ وڭتۇستىگىندە بۇرشاق جاۋىپ، 11 ميلليون تۇرعىنىنا قاۋىپ ءتوندىردى
قولايسىز اۋا رايى توعىز شتاتتىڭ 11 ميلليون تۇرعىنىنا قاۋىپ ءتوندىردى، دەپ حابارلايدى قازاقپارات CBS News ارناسىنا سىلتەمە جاساپ.
ۇلتتىق اۋا رايى قىزمەتى وڭتۇستىك شتاتتاردا بىرنەشە تورنادو سوققانىن حابارلادى.
لۋيزيانانىڭ سولتۇستىك-شىعىسى، ميسسيسيپيدىڭ ورتالىق بولىگى جانە الابامانىڭ وڭتۇستىك-باتىسىنداعى تۇرعىندار كوبىرەك زارداپ شەگەدى دەپ كۇتىلگەن، ءبىراق قيراعان عيماراتتار تۋرالى حابار تۇسكەن جوق.
الاباما شتاتىنداعى ماسكل شولس، دجەكسون، ۆيكسبۋرگ، ستاركۆيلل جانە ميسسيسيپي شتاتىنداعى مەريديان، اركانزاستىڭ وڭتۇستىك-شىعىسى جانە تەننەسسي قالالارىندا قاتتى جەل سوعىپ، بۇرشاق جاۋدى.
مەتەورولوگتاردىڭ مالىمەتىنشە، اۋا رايىنىڭ كۇرت بۇزىلۋىنا جىلى، ىلعالدى اۋامەن شىعىسقا قاراي جىلجىپ، دۇركىن-دۇركىن نايزاعايلارعا ىقپال ەتەتىن سۋىق فرونت سەبەپ بولعان.
ميسسيسيپي توتەنشە جاعدايلاردى باسقارۋ اگەنتتىگى تۇرعىندارعا ەلەكتر قۋاتىنىڭ ۇزىلۋىنە دايىندالىپ، جەكە كولىكپەن قالا سىرتىنا شىقپاعان ءجون ەكەنىن ەسكەرتتى.