15:34, 13 - تامىز 2022 | GMT +6
ترامپتان 11 بۋما قۇپيا قۇجات تاركىلەندى
نۇر-سۇلتان.قازاقپارات – ا ق ش- تىڭ فەدەرالدى تەرگەۋ بيۋروسى ەكس- پرەزيدەنت دونالد ترامپتان 11 بۋما قۇپيا قۇجات تاركىلەدى.
بۇل تۋرالى وسى ەلدىڭ ادىلەت مينيسترلىگىنىڭ وكىلدەرى مالىمدەدى. ءتىنتۋ جۇمىسى ترامپتىڭ فلوريدا شتاتىنداعى سارايىندا جۇرگىزىلگەن. بۇعان تىڭشىلىق تۋرالى كۇدىكتىڭ تۋىنداۋى سەبەپ بولعان. جالپى اگەنتتەر 20 دان استام قوراپ، سۋرەتتەر سالىنعان پاپكالار، قولجازبا مەن ەكس- پرەزيدەنتتىڭ كەڭەسشىسى رودجەر ستوۋنعا راقىمشىلىق جاساۋ تۋرالى قاعازداردى تاپقان.
سونداي- اق قۇجاتتار اراسىندا فرانسيا پرەزيدەنتىنە قاتىستى ماڭىزدى اقپارات بولعان. ەگەر ا ق ش- تىڭ 45-پرەزيدەنتى تىڭشىلىق جاسادى دەپ ايىپتالسا، وندا ول تۇرمەگە وتىرۋى نەمەسە ءىرى كولەمدە ايىپپۇل تولەۋى مۇمكىن.
www.24.kz