قازاقستاننىڭ 11 وڭىرىندە اۋا رايىنا بايلانىستى ەسكەرتۋ جاريالاندى
16 مامىر 20:03

قازاقستاننىڭ 11 وڭىرىندە اۋا رايىنا بايلانىستى ەسكەرتۋ جاريالاندى

نۇر- سۇلتان. قازاقپارات - سينوپتيكتەر قازاقستاننىڭ 11 وڭىرىندە اۋا رايىنا بايلانىستى ەسكەرتۋ جاريالادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

اقمولا وبلىسىنىڭ سولتۇستىگىندە، باتىسىندا، كۇندىز وڭتۇستىگىندە كۇن كۇركىرەپ، بۇرشاق جاۋادى.

وڭتۇستىك- باتىستان، باتىستان تۇندە جەل سوعىپ، وبلىستىڭ سولتۇستىگىندە، باتىسىندا ەكپىنى 15-20 م/س، كۇندىز باسىم بولىگىندە 15-20, وبلىستىڭ سولتۇستىگىندە، باتىسىندا ەكپىنى 23 م/س جەتەدى.

اقتوبە وبلىسى مەن اقتوبە قالاسىندا وڭتۇستىك- باتىستان، باتىستان جەل سوعادى، كۇندىز وبلىستىڭ سولتۇستىگىندە ەكپىنى 15 م/س جەتەدى. باتىس قازاقستان وبلىسىنىڭ شىعىسىندا، سولتۇستىك- باتىسىندا نايزاعاي وينايدى.

وڭتۇستىك- باتىستان، باتىستان جەل سوعادى، كۇندىز وبلىستىڭ باتىسىندا ەكپىنى 15-20 م/س بولادى. قاراعاندى وبلىسىنىڭ باتىسىندا، سولتۇستىگىندە كۇن كۇركىرەيدى.

وڭتۇستىك- باتىستان جەل سوعادى، كۇندىز وبلىستىڭ باتىسى مەن سولتۇستىگىندە ەكپىنى 15-20 م/س جەتەدى.

قاراعاندى قالاسىندا كۇندىز نايزاعاي وينايدى. وڭتۇستىك- باتىستان جەل سوعادى، كۇندىز ەكپىنى 18 م/س جەتەدى. قوستاناي وبلىسىنىڭ باتىسىندا، سولتۇستىگىندە، شىعىسىندا نايزاعاي ويناپ، داۋىل سوعادى، بۇرشاق جاۋادى.

وبلىستىڭ باتىسىندا، سولتۇستىگىندە، شىعىسىندا وڭتۇستىك- باتىستان 15-20 م/س جەل سوعادى، ەكپىنى 23 م/س جەتەدى. قوستاناي قالاسىندا كۇندىز كۇن كۇركىرەيدى. وڭتۇستىك- باتىستان ەكپىنى 15-20 م/س جەل ەسەدى.

كۇندىز قىزىلوردا وبلىسىنىڭ سولتۇستىگىندە، ورتالىعىندا شاڭدى داۋىل كۇتىلەدى. كۇندىز سولتۇستىكتە، وبلىس ورتالىعىندا سولتۇستىك- باتىستان جەل سوعىپ، جىلدامدىعى 15-20 م/س كۇشەيەدى.

ماڭعىستاۋ وبلىسىنىڭ باتىسىندا، شىعىسىندا، وڭتۇستىگىندە نايزاعاي وينايدى. وبلىستىڭ ورتالىعىندا، سولتۇستىگىندە شاڭدى داۋىل بولادى. سولتۇستىك- باتىستان، باتىستان، شىعىستان، وڭتۇستىكتەن 15-20 م/س جىلدامدىقپەن جەل سوعادى.

اقتاۋ قالاسىندا تۇندە جانە تاڭەرتەڭ كۇن كۇركىرەيدى. سولتۇستىك- باتىستان جەل سوعادى، تۇندە ەكپىنى 15-18 م/س جەتەدى.

نۇر- سۇلتان قالاسىندا كۇندىز نايزاعاي وينايدى. وڭتۇستىك- باتىستان، باتىستان جىلدامدىعى 15-20 م/س بولاتىن جەل ەسەدى. پاۆلودار وبلىسىنىڭ سولتۇستىك- باتىسىندا كۇندىز نايزاعاي ويناپ، وبلىستىڭ سولتۇستىگىندە، باتىسىندا شاڭدى داۋىل سوعادى.

وبلىستىڭ وڭتۇستىك- باتىسىنان، سولتۇستىگىنەن، باتىسىنان 15-20 م/س جىلدامدىقپەن جەل سوعادى. باتىسىندا، وڭتۇستىگىندە، ورتالىعىندا توتەنشە ءورت قاۋپى بار.

كۇندىز سولتۇستىك قازاقستان وبلىسىنىڭ باسىم بولىگىندە جاڭبىر جاۋادى. وبلىستىڭ باتىسىندا، سولتۇستىگىندە، شىعىسىندا نايزاعاي ويناپ، داۋىل سوعادى، بۇرشاق جاۋادى. تۇندە وبلىستىڭ سولتۇستىگىندە، باتىسىندا، شىعىسىندا وڭتۇستىك- باتىستان جەل سوعىپ، ەكپىنى 15-20 م/س، كۇندىز باسىم بولىگىندە 15-20, ەكپىنى 23-28 م/س بولۋى ىقتيمال.

پەتروپاۆل قالاسىندا كۇندىز كۇن كۇركىرەپ، داۋىل بولادى. وڭتۇستىك- باتىستان جەل سوعىپ، جىلدامدىعى 15-20, ەكپىنى 25 م/س جەتەدى. تۇركىستان وبلىسىنىڭ تاۋلى جەرلەرىندە كۇندىز نايزاعاي ويناپ، سولتۇستىگىندە شاڭدى داۋىل سوعادى. وبلىستىڭ سولتۇستىگىندە وڭتۇستىك- باتىس جەلى ەسىپ، جىلدامدىعى 15-20 م/س بولۋى مۇمكىن.

اۆتور: اقبوپە ءابدراسۋل

جاڭالىقتار