USD 434.84 EUR 498.2
RUB 5.72 CNY 68.47
جاڭالىقتار

جىل سوڭىنا دەيىن ءتورت تەلەارنا ارقىلى 11 تاريحي سەريال كورەرمەنگە جول تارتادى

2 جەلتوقسان 21:44
:ءبولىسۋ
جىل سوڭىنا دەيىن ءتورت تەلەارنا ارقىلى 11 تاريحي سەريال كورەرمەنگە جول تارتادى

نۇر-سۇلتان. قازاقپارات - جىل سوڭىنا دەيىن 4 تەلەارنا ارقىلى 11 تاريحي سەريال كورەمەنگە جول تارتادى.

بۇل تۋرالى ق ر اقپارات جانە قوعامدىق دامۋ ءمينيسترى ايدا بالايەۆا Kazmedia ورتالىعىندا وتكەن تاريحي سەريالداردىڭ تانىستىرىلىمىندا ايتتى، دەپ حابارلايدى قازاقپارات ءتىلشىسى.

«ءتۇسىرىلىپ جاتقان سەريالدارعا تاعدىرى ارقاۋ بولعان تۇلعالاردىڭ ءبارىنىڭ دە ارمانى - ەلدى تاۋەلسىزدىككە جەتكىزۋ ەدى. وسى جولدا باستارىن بايگەگە تىكتى. سوندىقتان ۇلت ماقتانىشتارىنىڭ ونەگەلى ءومىر جولىن كورسەتۋ ارقىلى ءبىز جاس ۇرپاقتىڭ رۋحىن كوتەرىپ، تاۋەلسىزدىگىمىزدىڭ قۇنىن ۇعىندىرا الامىز. پرەزيدەنت تاپسىرماسىن ورىنداۋ اياسىندا ۇلتتىق ارنا وسى شارانى ۇيىمداستىرىپ وتىر. تەلەارنا باسشىلىعىنا، ءلاززات مۇرات قىزى مەن ۇجىمعا العىس ايتامىز»، - دەدى ۆەدومستۆو باسشىسى.

سونداي-اق، ول مەملەكەتتىك تەلەارنالار ۇسىناتىن كلەنتتىڭ 30 پايىزى تاريح تاقىرىبىنا ارنالىپ وتىرعانىن ءمالىم ەتتى.

«بۇگىندە تاريحي جوبالار مەملەكەتتىك تەلەارنالار ۇسىناتىن ءونىمنىڭ 30 پايىزىن قۇرايدى. جىل سوڭىنا دەيىن تاريحي باعىتتاعى 11 سەريال كورەرمەن نازارىنا ۇسىنىلادى. اتاپ ايتساق، ۇلتتىق ارنادا «دومالاق انا»، «جاڭگىر حان. ساراي سىرى»، «دومالاق انا»، «قانىش. قازىنا»، «تاشەنيەۆ. تايتالاس»، «احمەت. ۇلت ۇستازى» حيكايالارى، «حابار» ارناسىندا «بۇلبۇل ءانشى روزا باعلانوۆا»، 31-ارنادا «جامبىل جابايەۆ»، Almaty ارناسىندا «تۇرار رىسقۇلوۆ» سەريالدارى كورسەتىلەدى.

بۇلاردىڭ ءبارى كورەرمەن كوڭىلىنەن شىعىپ، جوعارى باعا الادى دەپ سەنەمىن. بۇل تۋىندىلاردىڭ تانىستىرىلىمىن جىلداعىداي جابىق فورماتتا دا وتكىزۋگە بولاتىن ەدى. دەسە دە، تاريحي سەريالداردىڭ ماڭىزىن ەسكەرە وتىرىپ، ارنايى شارا ۇيىمداستىردىق»، - دەپ تۇيىندەدى ايدا بالايەۆا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات